<div class="version vid1388 iso6393yka" data-vid="1388" data-iso6393="yka">
 <div class="book bkGEN">
 <div class="chapter ch45" data-usfm="GEN.45">
 <div class="label">45</div><div class="s">Magpakilale si Yusup si me&#42892; pungtina&#42892;inen</div><div class="p"> 1Manjari ga&#42892;i ne tasandal si Yusup pagtangisnen si harapan k&#275;mon dara&#42892;akannen duk pa&#42892;inne si siye, &#8220;P&#299; ka&#42892;am dahu&#42892; k&#275;mon tahala&#42892;.&#8221; Manjari ga&#42892; niya&#42892; a&#42892;a seddili talebbi la&#42892;i dem bilik luwal si Yusup duk me&#42892; pungtina&#42892;inen. Ubus magpakilale ne si Yusup si me&#42892; pungtina&#42892;inen. 2Magt&#257;ring iye manamal hangkan takale iye we&#42892; me&#42892; a&#42892;a Misirin, duk magaka me&#42892; a&#42892;ahin sampay umabut p&#299; si sultan Misirin.</div><div class="p"> 3Pa&#42892;in si Yusup si me&#42892; pungtina&#42892;inen, &#8220;Aku hep si Yusup. Ellum pe ke samakun?&#8221; Saguwa&#42892; ga&#42892; sumambung me&#42892; pungtina&#42892;inen pegge&#42892; takeddut dem ateyden duk tinalew siye. 4Ubus pa&#42892;in si Yusup, &#8220;Patapit ka&#42892;am pitu.&#8221; Patapit ne siye p&#299;. Manjari pa&#42892;inne, &#8220;Aku hep pungtina&#42892;ibin si Yusup, iye bakas pinabellihanbin bu tabo&#42892;o ku pitu si Misir. 5Na, da&#42892;a ka&#42892;am suse. Da&#42892;a sasewun bi pikilanbin pegge&#42892; bakas ku pabellihanbi. Pegge&#42892; pinadehellu ku pitu we&#42892; Tuhanin amban ka&#42892;am supaya ka&#42892;am ellum. 6Pegge&#42892; niya&#42892; ne duwen tahun unus dem lahatin bu kulang pe limen tahun ga&#42892;i katomo&#42892; tinanemin duk ga&#42892;i kamanjari buwa&#42892;nen. 7Pinapitu ku dehellu we&#42892; Tuhanin supaya ka&#42892;am ellum duk niya&#42892; tubu&#42892;bi duk timbul ka&#42892;am amban kasigpitan kuwe&#42892;itu inin. 8Duma&#42892;in ka&#42892;am mamapitu akuhin, saguwa&#42892; Tuhanin. Pinalangkew ku we&#42892; Tuhanin hangkan aku pangandelan sultanin. Amban Tuhan isab we&#42892; aku manganda&#42892;ak dara&#42892;akan sultanin k&#275;mon duk amban Tuhan isab we&#42892; aku mangantanan lahat Misirin.</div><div class="p"> 9&#8220;Na, magdayi&#42892;-dayi&#42892; ka&#42892;am balik p&#299; si samaten bi duk pa&#42892;inun bi si iye, &#8216;Iye ne inin biss&#257; anaknun si Yusup: Inurungan ku we&#42892; Tuhanin kapatut ngantanan lahat Misirin. Pitu ka&#42892;am si aku, da&#42892;a ka&#42892;am magdayan-dayan. 10Subey ka&#42892;am patenna&#42892; si lahat in&#275;nan Gosen tu&#42892;u diyalem Misir duk ka&#42892;am tapit si aku, ka&#42892;am duk me&#42892; anak-ampubin duk me&#42892; bili-bilibin, me&#42892; hayepbi sinduwehin duk me&#42892; k&#275;monbin. 11Bang la&#42892;i ne ka&#42892;am si Gosen, aku sa&#42892; ngagastuhan ka&#42892;am pegge&#42892; limen tahun pe unus inin. Ga&#42892;i ku mabaya&#42892; bang kasigpitan ka&#42892;am duk me&#42892; tindegbin.&#8217; &#8221;</div><div class="p"> 12Pa&#42892;in si Yusup pe si me&#42892; pungtina&#42892;inen, &#8220;Na, takilalebi du - duk pes&#333;ng salikun Binyamin - we&#42892; asal aku iye mamiss&#257; si ka&#42892;am inin. 13Subey akahanun bi samaten bi sabab k&#275;mon kabantuhanku matu&#42892;u si lahat Misir inin duk sabab k&#275;mon bakas takitebin. Ubus bo&#42892;ohun bi pitu samaten bi. Da&#42892;a ka&#42892;am magdayan-dayan.&#8221; 14Ubus miya&#42892;an kinekkepan we&#42892; ne salinen Binyamin duk magtangis siye duwangan. 15Kinekkepan isab we&#42892; ne k&#275;mon me&#42892; sakanen duk in&#363;kan we&#42892; ne duk nangis iye. Ubus behude ne magbiss&#257;-biss&#257;.</div><div class="p"> 16Pag kalede la&#42892;i si luma&#42892; sultanin we&#42892; tekka ne me&#42892; pungtina&#42892;i Yusupin, sinna sultanin duk me&#42892; a&#42892;a langkew si pagsultanannen. 17Pa&#42892;in sultanin pu si Yusup, &#8220;Pa&#42892;inun si me&#42892; pungtina&#42892;inun, &#8216;S&#257; inin hinangun bi. Duwa&#42892;anun bi me&#42892; hayepbin duk balik ka&#42892;am p&#299; si lahatbi Kana&#42892;an. 18Bo&#42892;ohun bi samabin duk me&#42892; ka&#42892;anakanbin pitu si aku. Urungante ka&#42892;am bulak tamanan mah&#257;p tu&#42892;u si Misirin duk para si ka&#42892;am kinakan mah&#257;pin.&#8217; &#8221; 19Pa&#42892;inne pe, &#8220;Da&#42892;akun siye isab, pa&#42892;inun, &#8216;Hinangun bi ininen. Mo&#42892;o ka&#42892;am bittu&#42892;u amban lahat Misir me&#42892; kahdu pasakeyan me&#42892; anakbin duk me&#42892; andabin duk bo&#42892;ohun bi samabin pitu. 20Da&#42892;a ka&#42892;am suse sabab me&#42892; panyapbin pegge&#42892; me&#42892; mah&#257;p tu&#42892;u si lahat Misirin si ka&#42892;am ne.&#8217; &#8221;</div><div class="p"> 21Iye ne miya&#42892;an hininang me&#42892; anak Yakubin. Inurungan siye we&#42892; si Yusup me&#42892; kahdu kuwe&#42892; bakas dina&#42892;ak we&#42892; sultanin. Duk urunganne isab siye me&#42892; lutu&#42892;de. 22Inurungan isab siye we&#42892; ne dangan-dangan semmek h&#257;p manamal. Saguwa&#42892; Binyamin inurungan we&#42892; ne lime semmek mah&#257;p manamalin duk tellu hatus isab kayu&#42892; pilak tibu&#42892;uk. 23Pinabo&#42892;ohan samanen we&#42892; ne samp&#363;&#42892; asnu lella pinaduwa&#42892;an ekka bayu&#42892;-bayu&#42892;an mah&#257;p amban Misirin duk samp&#363;&#42892; asnu dende pinaduwa&#42892;an me&#42892; kinakan, me&#42892; pan duk me&#42892; pamalutu&#42892;ne samanen bang p&#299; iye si lahat Misir. 24Manjari da&#42892;ak si Yusup ne me&#42892; pungtina&#42892;inen p&#299; tahala&#42892; duk sessa&#42892;anne isab siye, pa&#42892;inne, &#8220;Magsulut-sulut ka&#42892;am. Da&#42892;a pa&#42892;in ka&#42892;am magsasa&#42892; si l&#257;n.&#8221;</div><div class="p"> 25Manjari tahala&#42892; ne siye amban Misir mole&#42892; hap Kana&#42892;an. Pag tekka siye la&#42892;i magtawus akahande samaden, 26pa&#42892;inde, &#8220;Ellum pe si Yusup, Amma&#42892;. Duk iye mangantan k&#275;mon dem lahat Misirin.&#8221; Takeddut dem atey Yakubin. Ga&#42892;i iye kahagad si siye. 27Saguwa&#42892; sakali&#42892; ne siye magaka-aka sabab k&#275;mon bakas pina&#42892;in Yusupin duk pag kitene me&#42892; kahdu pinabo&#42892;ohan si Yusup amban Misirin dina&#42892;ak pasakeyannen, kuwe&#42892; hinanyangan ne dem ateynen. 28Pa&#42892;inne, &#8220;Kahagad ne ku. Ellum pe anakkun si Yusup. P&#299; ne ku duk iye kiteku p&#257;d-p&#257;d ku ellum.&#8221;</div>
 </div>
 </div>
</div>

Manjari gaꞌi ne tasandal si Yusup pagtangisnen si harapan kēmon daraꞌakannen duk paꞌinne si siye, “Pī kaꞌam dahuꞌ kēmon tahalaꞌ.” Manjari gaꞌ niyaꞌ aꞌa seddili talebbi laꞌi dem bilik luwal si Yusup duk meꞌ pungtinaꞌinen. Ubus magpakilale ne si Yusup si meꞌ pungtinaꞌinen. Magtāring iye manamal hangkan takale iye weꞌ meꞌ aꞌa Misirin, duk magaka meꞌ aꞌahin sampay umabut pī si sultan Misirin.
Paꞌin si Yusup si meꞌ pungtinaꞌinen, “Aku hep si Yusup. Ellum pe ke samakun?” Saguwaꞌ gaꞌ sumambung meꞌ pungtinaꞌinen peggeꞌ takeddut dem ateyden duk tinalew siye. Ubus paꞌin si Yusup, “Patapit kaꞌam pitu.” Patapit ne siye pī. Manjari paꞌinne, “Aku hep pungtinaꞌibin si Yusup, iye bakas pinabellihanbin bu taboꞌo ku pitu si Misir. Na, daꞌa kaꞌam suse. Daꞌa sasewun bi pikilanbin peggeꞌ bakas ku pabellihanbi. Peggeꞌ pinadehellu ku pitu weꞌ Tuhanin amban kaꞌam supaya kaꞌam ellum. Peggeꞌ niyaꞌ ne duwen tahun unus dem lahatin bu kulang pe limen tahun gaꞌi katomoꞌ tinanemin duk gaꞌi kamanjari buwaꞌnen. Pinapitu ku dehellu weꞌ Tuhanin supaya kaꞌam ellum duk niyaꞌ tubuꞌbi duk timbul kaꞌam amban kasigpitan kuweꞌitu inin. Dumaꞌin kaꞌam mamapitu akuhin, saguwaꞌ Tuhanin. Pinalangkew ku weꞌ Tuhanin hangkan aku pangandelan sultanin. Amban Tuhan isab weꞌ aku mangandaꞌak daraꞌakan sultanin kēmon duk amban Tuhan isab weꞌ aku mangantanan lahat Misirin.
“Na, magdayiꞌ-dayiꞌ kaꞌam balik pī si samaten bi duk paꞌinun bi si iye, ‘Iye ne inin bissā anaknun si Yusup: Inurungan ku weꞌ Tuhanin kapatut ngantanan lahat Misirin. Pitu kaꞌam si aku, daꞌa kaꞌam magdayan-dayan. Subey kaꞌam patennaꞌ si lahat inēnan Gosen tuꞌu diyalem Misir duk kaꞌam tapit si aku, kaꞌam duk meꞌ anak-ampubin duk meꞌ bili-bilibin, meꞌ hayepbi sinduwehin duk meꞌ kēmonbin. Bang laꞌi ne kaꞌam si Gosen, aku saꞌ ngagastuhan kaꞌam peggeꞌ limen tahun pe unus inin. Gaꞌi ku mabayaꞌ bang kasigpitan kaꞌam duk meꞌ tindegbin.’ ”
Paꞌin si Yusup pe si meꞌ pungtinaꞌinen, “Na, takilalebi du - duk pesōng salikun Binyamin - weꞌ asal aku iye mamissā si kaꞌam inin. Subey akahanun bi samaten bi sabab kēmon kabantuhanku matuꞌu si lahat Misir inin duk sabab kēmon bakas takitebin. Ubus boꞌohun bi pitu samaten bi. Daꞌa kaꞌam magdayan-dayan.” Ubus miyaꞌan kinekkepan weꞌ ne salinen Binyamin duk magtangis siye duwangan. Kinekkepan isab weꞌ ne kēmon meꞌ sakanen duk inūkan weꞌ ne duk nangis iye. Ubus behude ne magbissā-bissā.
Pag kalede laꞌi si lumaꞌ sultanin weꞌ tekka ne meꞌ pungtinaꞌi Yusupin, sinna sultanin duk meꞌ aꞌa langkew si pagsultanannen. Paꞌin sultanin pu si Yusup, “Paꞌinun si meꞌ pungtinaꞌinun, ‘Sā inin hinangun bi. Duwaꞌanun bi meꞌ hayepbin duk balik kaꞌam pī si lahatbi Kanaꞌan. Boꞌohun bi samabin duk meꞌ kaꞌanakanbin pitu si aku. Urungante kaꞌam bulak tamanan mahāp tuꞌu si Misirin duk para si kaꞌam kinakan mahāpin.’ ” Paꞌinne pe, “Daꞌakun siye isab, paꞌinun, ‘Hinangun bi ininen. Moꞌo kaꞌam bittuꞌu amban lahat Misir meꞌ kahdu pasakeyan meꞌ anakbin duk meꞌ andabin duk boꞌohun bi samabin pitu. Daꞌa kaꞌam suse sabab meꞌ panyapbin peggeꞌ meꞌ mahāp tuꞌu si lahat Misirin si kaꞌam ne.’ ”
Iye ne miyaꞌan hininang meꞌ anak Yakubin. Inurungan siye weꞌ si Yusup meꞌ kahdu kuweꞌ bakas dinaꞌak weꞌ sultanin. Duk urunganne isab siye meꞌ lutuꞌde. Inurungan isab siye weꞌ ne dangan-dangan semmek hāp manamal. Saguwaꞌ Binyamin inurungan weꞌ ne lime semmek mahāp manamalin duk tellu hatus isab kayuꞌ pilak tibuꞌuk. Pinaboꞌohan samanen weꞌ ne sampūꞌ asnu lella pinaduwaꞌan ekka bayuꞌ-bayuꞌan mahāp amban Misirin duk sampūꞌ asnu dende pinaduwaꞌan meꞌ kinakan, meꞌ pan duk meꞌ pamalutuꞌne samanen bang pī iye si lahat Misir. Manjari daꞌak si Yusup ne meꞌ pungtinaꞌinen pī tahalaꞌ duk sessaꞌanne isab siye, paꞌinne, “Magsulut-sulut kaꞌam. Daꞌa paꞌin kaꞌam magsasaꞌ si lān.”
Manjari tahalaꞌ ne siye amban Misir moleꞌ hap Kanaꞌan. Pag tekka siye laꞌi magtawus akahande samaden, paꞌinde, “Ellum pe si Yusup, Ammaꞌ. Duk iye mangantan kēmon dem lahat Misirin.” Takeddut dem atey Yakubin. Gaꞌi iye kahagad si siye. Saguwaꞌ sakaliꞌ ne siye magaka-aka sabab kēmon bakas pinaꞌin Yusupin duk pag kitene meꞌ kahdu pinaboꞌohan si Yusup amban Misirin dinaꞌak pasakeyannen, kuweꞌ hinanyangan ne dem ateynen. Paꞌinne, “Kahagad ne ku. Ellum pe anakkun si Yusup. Pī ne ku duk iye kiteku pād-pād ku ellum.”

Listen to Panagnaꞌan 45