Tawallammat Tamajaq 2015 SIM, WBT Non-Drama (NT)

Tamajaq, Tawallammat

<div class="version vid1309 iso6393ttq" data-vid="1309" data-iso6393="ttq">
 <div class="book bkLUK">
 <div class="chapter ch24" data-usfm="LUK.24">
 <div class="label">24</div><div class="s2">Agamad &#477;n &#404;aysa &#477;z&#477;kka</div><div class="p"> 1As &#477;z&#477;l wa n alxad, &#477;nzaynat t&#477;doden &#353;in den s &#477;z&#477;kka &#477;n &#404;aysa, ew&#226;ynat a&#7693;utan win sammatagnat. 2Osanat-in t&#477;hunt ta t&#477;harat &#477;z&#477;kka, t&#477;tiwasa&#611;ararad, t&#477;lla den y &#477;z&#477;kka. 3&#398;ggaznat &#477;zz&#477;ka mi&#353;an w&#477;r da&#611;-as &#477;naynat ta&#611;&#477;ssa &#477;n &#404;aysa. 4&#398;qqanan &#611;afawan-nasnat y awen. Wala a ihogan &#477;bdadan-du &#477;&#353;&#353;in meddan d&#477;gma-nasnat &#477;ls&#226;nen is&#477;lsa bilazlaznen. 5&#398;rma&#611;nat, oyyanat idmaran s ama&#7693;al, t&#477;zzar &#477;nnan-asnat meddan win &#477;&#353;&#353;in en: &#171;Mas t&#477;saggadmat y i idd&#226;ran da&#611; n&#477;mm&#477;ttan? 6Ab&#700;as illa da, inkar-du da&#611; t&#477;mattant. Aktimat-du awa inna harwa iha akal &#477;n Galilaya, 7as inna: "Ag Aggad&#477;m ilz&#226;m-tu ad it&#477;w&#477;ggu da&#611; fassan &#477;n nasbakkadan, it&#477;w&#477;t&#477;yt&#477;y f&#477;l t&#477;g&#477;ttawt, iba-tu, t&#477;zzar ink&#477;r-du da&#611; t&#477;mattant &#477;z&#477;l wa n karad."&#187;</div><div class="p"> 8Amaran &#477;ktanat-du awa inna &#404;aysa. 9&#398;falnat &#477;z&#477;kka, &#477;qqalnat &#477;sso&#611;alnat awen kul i n&#477;mmuzal &#477;n &#404;aysa win maraw d iyyan &#477;d nalkiman kul win hadatnen. 10&#352;idoden &#353;in &#477;mosnat Maryama Mad&#477;l &#477;d Taxya &#477;d Maryama ta n anna &#477;n Yaqub &#477;d t&#477;doden &#353;iyyad d&#477;r-&#477;snat &#477;ddawnen. &#398;ntanatay a &#477;sso&#611;alnen aratan win i n&#477;mmuzal. 11Mi&#353;an w&#477;r s&#477;r-san &#477;len aratan en alma&#611;na; adi a f&#477;l dasnat-w&#477;r-&#477;zz&#477;gzanan.</div><div class="p"> 12D&#477;r iga awen da ya, igga-du Butros, ozal s &#477;z&#477;kka. As t-in-osa, i&#353;&#353;&#477;gga da&#611;-as, w&#477;r da&#611;-as inay ar &#353;ifit, t&#477;zzar iqqal, iqq&#226;n awen e&#611;af-net.</div><div class="s2">Tarrayt n Emayos</div><div class="p"> 13&#398;z&#477;l wen da iman-net ad &#477;kkan nalkiman &#477;n &#404;aysa &#477;&#353;&#353;in ta&#611;r&#477;mt iyyat t&#477;g&#226;t Emayos as t&#477;lla teklay n &#477;&#353;&#353;in alwaqan gar-es &#477;d Yerusalam. 14Mi&#353;awalan da&#611; batu n aratan win &#477;ganen den kul. 15Mi&#353;awalan den da as tan-d-ewad &#404;aysa &#477;nta iman-net, iddew d&#477;r-san. 16Hannayan-tu mi&#353;an w&#477;r t-&#477;zdayan.</div><div class="p"> 17Inn-asan: &#171;Ma da&#611; t&#477;ma&#353;awalam da?&#187; &#398;bdadan, t&#477;w&#226;r t&#477;kenzert udmawan-nasan. 18Inn-as wa da&#611;-san igan es&#477;m Kl&#477;yubas: &#171;Adis kay &#611;as da&#611; aytedan win &#477;hanen Yerusalam a w&#477;r &#477;hen salan n awa da&#611;-as igan da&#611; adan win?&#187; 19Inn-asan: &#171;Ma da&#611;-as igan?&#187; &#398;nnan-as: &#171;Arat wa igrawan &#404;aysa wa n Nazaret, imosan &#477;nn&#477;bi itaggan imazalan d awalan &#477;n t&#477;la tarna dat M&#477;&#353;&#353;ina d aytedan kul. 20Sattarmasan-tu limaman win zawwarnen &#477;d muzaran-nana, t&#477;tawaxkam-as t&#477;mattant, sattaytayan-tu f&#477;l t&#477;g&#477;ttawt. 21Nakkanay dat awen, n&#477;g&#226; attama n as &#477;nta a z&#700;is&#477;dd&#477;rfen tamattay n Israyil. Mi&#353;an azalada, &#477;z&#477;l n aratan en wa n karad d igi. 22D&#477;r iga awen da ya, &#477;qq&#226;nnat t&#477;doden-nana &#353;iyyad i&#611;afawan-nana, &#477;nzaynen s &#477;z&#477;kka, 23mi&#353;an w&#477;r da&#611;-as &#477;naynat ta&#611;&#477;ssa-net. &#398;qqalnat-du, &#477;nnanat nifalalan-asnat angalosan, &#477;nnan-asnat idd&#226;r. 24T&#477;zzar &#477;kkan wiyyad da&#611;-na &#477;z&#477;kka, osan-in, &#477;nayan arat kul wa &#477;nnanat t&#477;doden en, mi&#353;an &#477;nta w&#477;r t-&#477;nayan.&#187;</div><div class="p"> 25Amaran inn-asan &#404;aysa: &#171;Xa kawanay za aljahilan! Izz&#477;wwat fall-awan &#477;z&#477;gzan s arat kul wa &#477;nnan &#477;nn&#477;bitan da&#611; &#398;lk&#477;ttaban. 26W&#477;rge&#611; &#398;lm&#477;six ilz&#226;m &#226;s ad in&#477;y al&#611;azab t&#477;zzar, amaran igr&#477;w tanaya-net?&#187; 27T&#477;zzar a tan-isasagru &#404;aysa awa s&#477;r-&#477;s &#477;nnan &#398;lk&#477;ttaban kul. Ibaz-du &#611;ur &#398;lk&#477;ttaban win &#477;nn&#477;bi Musa har win &#477;nn&#477;bitan kul win hadatnen.</div><div class="p"> 28As din-&#477;hozan ta&#611;r&#477;mt ta &#477;kkan, iss&#477;kna &#404;aysa as ok&#226;y. 29Mi&#353;an &#477;wa&#611;an-tu, &#477;nnan-as: &#171;&#404;am &#611;ur-na f&#477;las &#477;z&#477;l igla, ehad ibuk y igi&#187;, t&#477;zzar izz&#477;bbat &#611;ur-san. 30As &#477;ggazan &#353;in tattay, idkal &#404;aysa tag&#477;lla, iggoday i M&#477;&#353;&#353;ina, irz-et ikf-asan-tat. 31&#398;mmoranat &#353;ittawen-nasan alwaq wen da, &#477;zdayan-tu, mi&#353;an iggaz-asan &#477;t&#477;nkul tamazayt ten da. 32T&#477;zzar namannan gar-essan: &#171;Za&#611;nin awen da f&#477;l &#477;knan man-nana t&#477;falawist alwaq wa dana&#611;-i&#353;&#353;ewal da&#611; tarrayt, isasagr-ana &#398;lk&#477;ttaban n &#477;nn&#477;bitan.&#187;</div><div class="p"> 33&#398;bdadan tamazayt ten da, &#477;qqalan Yerusalam. Osan-in in&#477;mmuzal win maraw d iyyan &#477;d nalkiman win hadatnen &#477;ddewan da&#611; adag iyyanda, 34gannin: &#171;Tid&#477;t da&#611; a imos as &#398;m&#477;li &#404;aysa ink&#226;r-du da&#611; t&#477;mattant, amaran inifalal i Sim&#611;on.&#187; 35&#398;sso&#611;alan-asan meddan win &#477;&#353;&#353;in &#477;ntanay da awa &#477;nayan da&#611; tarrayt, d &#477;mm&#477;k was t-&#477;zdayan alwaq wad irza tag&#477;lla.</div><div class="s2">&#398;n&#477;filal &#477;n &#404;aysa i nalkiman-net</div><div class="p"> 36Harwada &#477;&#353;&#353;ewalan da&#611; awen as d-ibdad &#404;aysa iman-net gar-essan, inn-asan: &#171;Alxer fall-awan.&#187; 37&#398;gan t&#477;r&#477;mmeq z&#477;ww&#477;rat, t&#477;ggaz-tan tasa f&#477;las &#477;&#611;ilan agg&#477;suf a hannayan den.</div><div class="p"> 38T&#477;zzar inn-asan &#404;aysa: &#171;Ma fel t&#477;&#353;&#353;iwa&#353;am? Ma fel de&#611; t&#477;g&#226;m a&#353;&#353;ak? 39&#398;n&#477;yat ifassan-in &#477;d daran-in, nak iman-in awa. &#398;d&#477;sat-i ad t&#477;n&#477;yam, f&#477;las agg&#477;suf w&#477;r ila ta&#611;&#477;ssa wala i&#611;asan win as di-t&#477;hannayam da &#477;leq-qan.&#187;</div><div class="p"> 40As dasan-inna awen, isakn-en ifassan-net &#477;d daran-net, 41mi&#353;an &#477;glan w&#477;r da&#611;-as &#477;kkesan a&#353;&#353;ak f&#477;l awa &#477;gan da&#611; t&#477;falawist, ikna de&#611; s&#477;r-san awen &#477;s&#477;mm&#477;kl&#477;l. Adi a f&#477;l a dasan-inna: &#171;Awak t&#477;l&#226;m a itamat&#353;an da?&#187; 42&#398;kfan-tu tablalt &#477;n kifi t&#477;&#331;&#331;&#226;t. 43Ibaz-tat, it&#353;-et dat-san.</div><div class="s2">&#398;&#353;&#353;&#477;&#611;&#477;l wa da&#611; iga &#404;aysa inalkiman-net</div><div class="p"> 44D&#477;ff&#477;r awen inn-asan &#404;aysa: &#171;&#398;ntanay da aratan win dawan-&#477;nne harwa kawan-&#477;he&#611;: Aratan kul win fall-i &#477;ktabnen da&#611; &#398;ttawret n &#477;nn&#477;bi Musa d &#398;lk&#477;ttaban win hadatnen d Azzabur &#477;&#353;&#353;il ad andin.&#187; 45Amaran ora i&#611;afawan-nasan alwaq wen da y ad agrin &#398;lk&#477;ttaban.</div><div class="p"> 46Inn-asan: &#171;W&#477;rge&#611; ikt&#226;b as, &#398;lm&#477;six ad in&#477;y al&#611;azab, iba-tu, ink&#477;r-du da&#611; t&#477;mattant &#477;z&#477;l wa n karad, 47t&#477;zzar t&#477;w&#477;ggin salan &#477;n t&#477;tubt s es&#477;m-net i t&#477;mattiwen kul f&#477;l ad &#477;gr&#477;wnat t&#477;sureft &#477;n bakkadan, antu awen da&#611; Yerusalam. 48Kawanay t&#477;m&#244;sam &#353;ig&#477;yyawen n aratan win. 49Amaran nak a fall-awan du-z&#477;zz&#477;bbe&#611; Infas wa Z&#477;ddigan s Abba-nin a igan arkawal-net. Da&#611; adi ad w&#477;r t&#477;gm&#477;dam a&#611;r&#477;m wa da har d-azzabbat Infas wa Z&#477;ddigan, akf-iwan tarna ta du-t&#477;falat M&#477;&#353;&#353;ina.&#187;</div><div class="s2">Tewa&#611;lay &#477;n &#404;aysa ij&#477;nnawan</div><div class="p"> 50D&#477;ff&#477;r awen, iddew d&#477;r-san, &#477;gmadan a&#611;r&#477;m, har din-&#477;hozan ta&#611;r&#477;mt ta n Betan&#477;y, t&#477;zzar idkal ifassan-net, ittar-asan a tan-ikfan albaraka. 51Itattar-asan harwa da as d&#477;r-san imm&#477;zzay, imm&#477;dkal &#477;s j&#477;nnawan.</div><div class="p"> 52&#398;ntanay amaran, as das-&#477;ss&#477;jadan, &#477;qqalan Yerusalam &#477;kn&#226;n t&#477;falawist. 53Faw &#477;h&#226;n Ehan wa Z&#477;ww&#477;ran n &#398;l&#611;ibada, &#477;mm&#226;lan M&#477;&#353;&#353;ina.</div>
 </div>
 </div>
</div>

As ǝzǝl wa n alxad, ǝnzaynat tǝdoden šin den s ǝzǝkka ǝn Ɣaysa, ewâynat aḍutan win sammatagnat. Osanat-in tǝhunt ta tǝharat ǝzǝkka, tǝtiwasaɣararad, tǝlla den y ǝzǝkka. Ǝggaznat ǝzzǝka mišan wǝr daɣ-as ǝnaynat taɣǝssa ǝn Ɣaysa. Ǝqqanan ɣafawan-nasnat y awen. Wala a ihogan ǝbdadan-du ǝššin meddan dǝgma-nasnat ǝlsânen isǝlsa bilazlaznen. Ǝrmaɣnat, oyyanat idmaran s amaḍal, tǝzzar ǝnnan-asnat meddan win ǝššin en: «Mas tǝsaggadmat y i iddâran daɣ nǝmmǝttan? Abʼas illa da, inkar-du daɣ tǝmattant. Aktimat-du awa inna harwa iha akal ǝn Galilaya, as inna: "Ag Aggadǝm ilzâm-tu ad itǝwǝggu daɣ fassan ǝn nasbakkadan, itǝwǝtǝytǝy fǝl tǝgǝttawt, iba-tu, tǝzzar inkǝr-du daɣ tǝmattant ǝzǝl wa n karad."»
Amaran ǝktanat-du awa inna Ɣaysa. Ǝfalnat ǝzǝkka, ǝqqalnat ǝssoɣalnat awen kul i nǝmmuzal ǝn Ɣaysa win maraw d iyyan ǝd nalkiman kul win hadatnen. Šidoden šin ǝmosnat Maryama Madǝl ǝd Taxya ǝd Maryama ta n anna ǝn Yaqub ǝd tǝdoden šiyyad dǝr-ǝsnat ǝddawnen. Ǝntanatay a ǝssoɣalnen aratan win i nǝmmuzal. Mišan wǝr sǝr-san ǝlen aratan en almaɣna; adi a fǝl dasnat-wǝr-ǝzzǝgzanan.
Dǝr iga awen da ya, igga-du Butros, ozal s ǝzǝkka. As t-in-osa, iššǝgga daɣ-as, wǝr daɣ-as inay ar šifit, tǝzzar iqqal, iqqân awen eɣaf-net.

Ǝzǝl wen da iman-net ad ǝkkan nalkiman ǝn Ɣaysa ǝššin taɣrǝmt iyyat tǝgât Emayos as tǝlla teklay n ǝššin alwaqan gar-es ǝd Yerusalam. Mišawalan daɣ batu n aratan win ǝganen den kul. Mišawalan den da as tan-d-ewad Ɣaysa ǝnta iman-net, iddew dǝr-san. Hannayan-tu mišan wǝr t-ǝzdayan.
Inn-asan: «Ma daɣ tǝmašawalam da?» Ǝbdadan, tǝwâr tǝkenzert udmawan-nasan. Inn-as wa daɣ-san igan esǝm Klǝyubas: «Adis kay ɣas daɣ aytedan win ǝhanen Yerusalam a wǝr ǝhen salan n awa daɣ-as igan daɣ adan win?» Inn-asan: «Ma daɣ-as igan?» Ǝnnan-as: «Arat wa igrawan Ɣaysa wa n Nazaret, imosan ǝnnǝbi itaggan imazalan d awalan ǝn tǝla tarna dat Mǝššina d aytedan kul. Sattarmasan-tu limaman win zawwarnen ǝd muzaran-nana, tǝtawaxkam-as tǝmattant, sattaytayan-tu fǝl tǝgǝttawt. Nakkanay dat awen, nǝgâ attama n as ǝnta a zʼisǝddǝrfen tamattay n Israyil. Mišan azalada, ǝzǝl n aratan en wa n karad d igi. Dǝr iga awen da ya, ǝqqânnat tǝdoden-nana šiyyad iɣafawan-nana, ǝnzaynen s ǝzǝkka, mišan wǝr daɣ-as ǝnaynat taɣǝssa-net. Ǝqqalnat-du, ǝnnanat nifalalan-asnat angalosan, ǝnnan-asnat iddâr. Tǝzzar ǝkkan wiyyad daɣ-na ǝzǝkka, osan-in, ǝnayan arat kul wa ǝnnanat tǝdoden en, mišan ǝnta wǝr t-ǝnayan.»
Amaran inn-asan Ɣaysa: «Xa kawanay za aljahilan! Izzǝwwat fall-awan ǝzǝgzan s arat kul wa ǝnnan ǝnnǝbitan daɣ Ǝlkǝttaban. Wǝrgeɣ Ǝlmǝsix ilzâm âs ad inǝy alɣazab tǝzzar, amaran igrǝw tanaya-net?» Tǝzzar a tan-isasagru Ɣaysa awa sǝr-ǝs ǝnnan Ǝlkǝttaban kul. Ibaz-du ɣur Ǝlkǝttaban win ǝnnǝbi Musa har win ǝnnǝbitan kul win hadatnen.
As din-ǝhozan taɣrǝmt ta ǝkkan, issǝkna Ɣaysa as okây. Mišan ǝwaɣan-tu, ǝnnan-as: «Ɣam ɣur-na fǝlas ǝzǝl igla, ehad ibuk y igi», tǝzzar izzǝbbat ɣur-san. As ǝggazan šin tattay, idkal Ɣaysa tagǝlla, iggoday i Mǝššina, irz-et ikf-asan-tat. Ǝmmoranat šittawen-nasan alwaq wen da, ǝzdayan-tu, mišan iggaz-asan ǝtǝnkul tamazayt ten da. Tǝzzar namannan gar-essan: «Zaɣnin awen da fǝl ǝknan man-nana tǝfalawist alwaq wa danaɣ-iššewal daɣ tarrayt, isasagr-ana Ǝlkǝttaban n ǝnnǝbitan.»
Ǝbdadan tamazayt ten da, ǝqqalan Yerusalam. Osan-in inǝmmuzal win maraw d iyyan ǝd nalkiman win hadatnen ǝddewan daɣ adag iyyanda, gannin: «Tidǝt daɣ a imos as Ǝmǝli Ɣaysa inkâr-du daɣ tǝmattant, amaran inifalal i Simɣon.» Ǝssoɣalan-asan meddan win ǝššin ǝntanay da awa ǝnayan daɣ tarrayt, d ǝmmǝk was t-ǝzdayan alwaq wad irza tagǝlla.

Harwada ǝššewalan daɣ awen as d-ibdad Ɣaysa iman-net gar-essan, inn-asan: «Alxer fall-awan.» Ǝgan tǝrǝmmeq zǝwwǝrat, tǝggaz-tan tasa fǝlas ǝɣilan aggǝsuf a hannayan den.
Tǝzzar inn-asan Ɣaysa: «Ma fel tǝššiwašam? Ma fel deɣ tǝgâm aššak? Ǝnǝyat ifassan-in ǝd daran-in, nak iman-in awa. Ǝdǝsat-i ad tǝnǝyam, fǝlas aggǝsuf wǝr ila taɣǝssa wala iɣasan win as di-tǝhannayam da ǝleq-qan.»
As dasan-inna awen, isakn-en ifassan-net ǝd daran-net, mišan ǝglan wǝr daɣ-as ǝkkesan aššak fǝl awa ǝgan daɣ tǝfalawist, ikna deɣ sǝr-san awen ǝsǝmmǝklǝl. Adi a fǝl a dasan-inna: «Awak tǝlâm a itamatšan da?» Ǝkfan-tu tablalt ǝn kifi tǝŋŋât. Ibaz-tat, itš-et dat-san.

Dǝffǝr awen inn-asan Ɣaysa: «Ǝntanay da aratan win dawan-ǝnne harwa kawan-ǝheɣ: Aratan kul win fall-i ǝktabnen daɣ Ǝttawret n ǝnnǝbi Musa d Ǝlkǝttaban win hadatnen d Azzabur ǝššil ad andin.» Amaran ora iɣafawan-nasan alwaq wen da y ad agrin Ǝlkǝttaban.
Inn-asan: «Wǝrgeɣ iktâb as, Ǝlmǝsix ad inǝy alɣazab, iba-tu, inkǝr-du daɣ tǝmattant ǝzǝl wa n karad, tǝzzar tǝwǝggin salan ǝn tǝtubt s esǝm-net i tǝmattiwen kul fǝl ad ǝgrǝwnat tǝsureft ǝn bakkadan, antu awen daɣ Yerusalam. Kawanay tǝmôsam šigǝyyawen n aratan win. Amaran nak a fall-awan du-zǝzzǝbbeɣ Infas wa Zǝddigan s Abba-nin a igan arkawal-net. Daɣ adi ad wǝr tǝgmǝdam aɣrǝm wa da har d-azzabbat Infas wa Zǝddigan, akf-iwan tarna ta du-tǝfalat Mǝššina.»

Dǝffǝr awen, iddew dǝr-san, ǝgmadan aɣrǝm, har din-ǝhozan taɣrǝmt ta n Betanǝy, tǝzzar idkal ifassan-net, ittar-asan a tan-ikfan albaraka. Itattar-asan harwa da as dǝr-san immǝzzay, immǝdkal ǝs jǝnnawan.
Ǝntanay amaran, as das-ǝssǝjadan, ǝqqalan Yerusalam ǝknân tǝfalawist. Faw ǝhân Ehan wa Zǝwwǝran n Ǝlɣibada, ǝmmâlan Mǝššina.

Listen to Luqa 24