Génesis 5
5
Cajalcaj sts'umbal Adán
1Hich ay te sbihilic te sts'umbal Adán. C'alal Dios la spas te winic, pajal yilel soc Dios la spas. 2Winic soc ants la spas, soc la yac'ticlambe bendición. C'alal pasbilic yu'un la ya'be sbihilin ants-winic.
3Ay lajuneb shucwinic (130) ya'bilal a te Adán, ayin snich'an te pajal yilel soc, Set la ya'be sbihilin. 4C'alal ayin te Set, cha'bahc' (800) xan ha'bil cuxul te Adán, soc ayin yan queremetic soc ach'ixetic yu'un. 5Te c'alal ayix lajuneb shucwinic yoxbahc' (930) ya'bilal a te Adán, cham.
6Ay ho'eb swacwinic (105) ya'bilal a te Set ayin snich'an, Enós sbihil. 7Te c'alal ayin te Enós, huqueb yoxbahc' (807) xan ha'bil cuxul te Set, soc ayin yan queremetic soc ach'ixetic yu'un. 8C'alal ayix lahchayeb swacwinic yoxbahc' (912) ya'bilal a te Set, cham.
9Ay lajuneb yo'winic (90) ya'bilal a te Enós ayin snich'an, Cainán sbihil. 10C'alal ayin Cainán, ho'lajuneb yoxbahc' (815) xan ha'bil cuxul te Enós, soc ayin yan queremetic soc ach'ixetic yu'un. 11C'alal ayix ho'eb swacwinic yoxbahc' (905) ya'bilal a te Enós, cham.
12Ay lajuneb schanwinic (70) ya'bilal a te Cainán ayin snich'an, Mahalaleel sbihil. 13C'alal ayin ta Mahalaleel, cha'winic yoxbahc' (840) xan ha'bil cuxul te Cainán, soc ayin yan queremetic soc ach'ixetic yu'un. 14C'alal ayix ho'eb swacwinic yoxbahc' (905) ya'bilal a te Cainán, cham.
15Ay ho'eb schanwinic (65) ya'bilal a te Mahalaleel ayin snich'an, Jared sbihil. 16C'alal ayin te Jared, lajuneb scha'winic yoxbahc' (830) xan ha'bil cuxul te Mahalaleel, soc ayin yan queremetic soc ach'ixetic yu'un. 17C'alal ayix ho'lajuneb yo'winic yoxbahc' (895) ya'bilal a te Mahalaleel, cham.
18Ay cheb sbalunwinic (162) ya'bilal a te Jared ayin snich'an, Enoc sbihil. 19C'alal ayin te Enoc, cha'bahc' (800) xan ha'bil cuxul te Jared, soc ayin yan queremetic soc ach'ixetic yu'un. 20C'alal ayix cheb sbalunwinic yoxbahc' (962) ya'bilal a te Jared, cham.
21Ay ho'eb schanwinic (65) ya'bilal a te Enoc ayin snich'an, Matusalén sbihil. 22Ta patil te ayin te Matusalén, te Enoc behen soc Dios ho'lajunwinic (300) ha'bil, soc ayin yan queremetic soc ach'ixetic yu'un. 23Hich te jayeb ha'bil cuxul te Enoc, ha ho'eb sbalunlajunwinic (365) ha'bil. 24Te Enoc behen soc Dios; patil ma ba chicnaj, yu'un ic'ot bahel yu'un Dios.
25Ay huqueb slajunwinic (187) ya'bilal a te Matusalén ayin snich'an, Lamec sbihil. 26C'alal ayin te Lamec, cheb sbalunlajunwinic scha'bahc' (782) xan ha'bil cuxul te Matusalén, soc ayin yan queremetic soc ach'ixetic yu'un. 27C'alal ayix baluneb sbalunwinic yoxbahc' (969) ya'bilal a te Matusalén, cham.
28Ay cheb slajunwinic (182) ya'bilal a te Lamec ayin snich'an; 29la ya'be sbihil Noé#5.29 Noé: jteb ma pajaluc soc: ya ya'botic jcux co'tantic, te xchi ta hebreo. yu'un hich la yal: Ha te ya ya'botic lecubuc q'uinal ca'iytic yu'un te jwocoltic ta a'tel ta scaj te lumq'uinal te la yac' bohlobuc te Jehová, xchi sc'oblal yu'un. 30C'alal ayin Noé, ho'lajuneb slajunwinic scha'bahc' (595) ha'bil cuxaj xan te Lamec, soc ayin yan queremetic soc ach'ixetic yu'un. 31C'alal ayix huclajuneb sbalunlajunwinic scha'bahc' (777) ya'bilal a te Lamec, cham.
32Ay ho'winic scha'bahc' (500) ya'bilal a te Noé ayin te snich'nab: Sem, Cam, soc Jafet.
ప్రస్తుతం ఎంపిక చేయబడింది:
Génesis 5: TZH
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Biblia Tzeltal Bachajon © Sociedad Bíblica de México, A.C., 2006.
