Seera Uumamaa 11
11
Gamoo Baabiloonii
1Bara san baniin lafa irraa maruu afaan tokko dubbatan ture. 2Namoonni baya biiftu'uutii hennaa ka'an Sanaa'oritti raasaa tokko arganii achitti quphatan. 3«Koottaa'a biyyee faara dhoofnee ibiddaan gubnee hojjannaa» woliin jedhan; Faarri sunillee gogee akka dhaga'aa isaanii ta'e; akka kanaan faara hojjatan argatan; bikka dhaga'aa faara biyyee irraa hojjatame ham'e'een wol qabsiisanii, 4«Koottaa'a qachaa lafa irraa haga Sami'ii gawu, gamoo ijaarannee lafa irratti uduu hin bittinnoofne ittiin gurra baanaa» jedhan. 5Kanaan maayessa Rabbi gamo'oo fi qachaa ijoolleen Aadamii ijaarte laalu'uuf gad bu'e. 6Rabbi, «Isaan gosa tokko, afaan tokko dubbatan, wonti isaan godhan kun ka jalqabaati; akkaataa kanaan waan karoorfatan maraa hin dadhaban. 7Kanaafuu koottaa'a buunee akka isaan wolii hin galle afaan isaanii adda adda goonaa» jedhe. 8Kanaan maayessa Rabbi lafa maraa irra isaan bittinneessinaan qachaallee ijaaruu dhiisan. 9Kanaaf maqaan isi'ii Baabiloon jedhame waan Rabbi achitti afaan banii biyya lafaa maraa wol milissee isaan tamsaaseef. #11:9 Baabiloon Afaan Ibraayisxiitiin «Makamuu» jechu'u.
Hortee Seemii Irraa Haga Abraamii
(Sen. 1ffaa 1:24-27)
10Horteen Seemii kana; Seem bisaan badi'iitiin maayessa woggaa lamaa turee Arfaakisdiin uumate; hennaa san inni nama woggaa dhibbaati. 11Seem haga Arfaakisdiin uumateen maayessa woggaa dhibba shanii jiraatee ijoollee dhiiraatii fi ta intalaa uumatee du'e. 12Arfaakisd woggaa dhibbaa fi soddomii shanii jiraatee Qaayiniimiin uumate. #11:12 dhibbaa fi soddomii shanii Hiikkaan Ibraayisxii «Soddomii Shan» jedha. 13Arfaakisd Qaayiniimiin haga uumateen maayessa woggaa dhibba afurii jiraatee ijoollee dhiiraatii fi ta intalaa uumatee du'e. Qaayiniimillee woggaa dhibbaa fi soddoma jiraatee Saalaa uumate; Qaayiniim haga Saalaa uumateen maayessa woggaa dhibba sadihii fi soddoma jiraatee ijoollee dhiiraatii fi ta intalaa uumatee du'e.
14Saalaanillee woggaa dhibbaa fi soddoma jiraatee Eebooriin uumate. #11:14 dhibbaa fi soddoma Hiikkaan Ibraayisxii «Soddoma» jedha. 15Saalaan Eebooriin haga uumateen maayessa woggaa dhibba sadihii fi soddoma jiraatee ijoollee dhiiraatii fi ta intalaa uumatee du'e. 16Eeboorillee woggaa dhibbaa fi soddomii afurii jiraatee Faaleeqiin uumate. #11:16 dhibbaa fi soddomii afurii Hiikkaan Ibraayisxii «Soddomii afur» jedha. 17Eeboor Faaleeqiin haga uumateen maayessa wogga dhibba afurii fi soddoma jiraatee ijoollee dhiiraatii fi ta intalaa uumatee du'e.
18Faaleeqillee wogga dhibbaa fi soddomaa jiraatee Raagiwuuniin uumate. #11:18 dhibbaa fi soddomaa Hiikkaan Ibraayisxii «Soddoma» jedha. 19Faaleeq haga Raagiwuuniin uumateen maayessa woggaa dhibba lamaa fi sagal jiraatee ijoollee dhiiraatii fi ta intalaa ta biraallee uumatee du'e.
20Raagiwuunillee woggaa dhibbaa fi soddomii lama jiraatee Seeroohiin uumate. #11:20 dhibbaa fi soddomii lama Hiikkaa Ibraayisxiitiin «Soddomii lama» jedha. 21Raagiwuun Seeroohiin haga uumateen maayessa woggaa dhibba lamaa fi torba jiraatee ijoollee dhiiraatii fi ta intalaa ta biraallee uumatee du'e.
22Seeroohi woggaa dhibbaa fi soddoma jiraatee Naakooriin uumate. #11:22 dhibbaa fi soddoma Hiikkaa Ibraayisxiitiin «Soddoma» jedha. 23Haga Naakoor dhalateen maayessa Seeroohi woggaa dhibba lama jiraatee ijoollee dhiiraatii fi intalaa ta biraallee uumatee du'e.
24Naakoorillee woggaa dhibbaa fi sagal jiraatee Taaraa uumate. #11:24 dhibbaa fi sagal Hiikkaa Ibraayisxiitiin «Diddamii sagal» jedha. 25Naakoor haga Taaraa uumateen maayessa wogga dhibbaa fi diddamii sagal jiraatee ijoollee dhiiraatii fi intalaa ta biraallee uumatee du'e. #11:25 dhibbaa fi diddamii sagal Hiikkaa Ibraayisxiitiin «Dhibbaa fi kudha sagal» jedha.
26Taaraanillee woggaa dhibba jiraatee Abraam, Naakoorii fi Haaraaniin uumate.
Hortee Taara'aa
27Horteen Taara'aa kana; Taaraan Abraam, Naakoorii fi Haaraaniin uumate; Haaraan looxiin uumate. 28Haaraan Uuri biyya kalaadaawotaa hulee itti dhalate keessatti abbaa biratti du'e. 29Abraamii fi Naakoor haadha manaa fuudhan; maqaan haadha manaa Abraamii Soora'a; haati manaa Naakoorii Milka'a; isiin mucattii Haaraaniiti; Haaraan abbaa Milka'aatii fi ka Yooska'aati.
30Sooraan dhabduu finna hin qabne turte. 31Taaraanillee ilma isaa Abraamii fi ilma ilma isaa, ilma Haaraanii looxiin, intala ilma ufii ta Abraamii Sooraa fa'a qabatee gara biyya Kana'aanii deemu'uuf Uuri biyya Kalaadaawotaatii bayanii gara Kaaraanii dhaqanii achi taa'an. 32Umuriin Taara'aa woggaa dhibba lamaa fi shan gayee Kaaraanitti du'e.
ప్రస్తుతం ఎంపిక చేయబడింది:
Seera Uumamaa 11: KitWoy
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
