मत्ती 4

ईसु राः परिक्छा

(मरकुस 1:12,13; लूका 4:1-13)

1हेना वरी ईसु राः परिक्छा#इबरानी 2:18; 4:15 सयतान राः दोवारा ते होयाः लगड पवितर आत्मा सुनहर जगह हनते गोःतेडिया। 2चालीस दिन, सींञ ञींद#निर्ग 34:28; 1 राजा 19:8 कनर मेनेय जोम बेड़ा गडा, हेना वरी हेंय अखरी रे रँगेज तेडिया। 3तहाँ अआजमोवय#4:3 मतलोब सयतान#उत्प 3:1-7 बँदेत रे मेजकेन तेय कहनी वडिय दोहो एनु, “सही मेते अम भगवान होपोन#मत्ती 14:33; 16:15-17; 27:54; मरकुस 3:11; लूका 1:35; 22:70; एहुन्‍ना 1:34,49; 5:25; 11:27; 20:31; परेरित 9:20; रोमि 1:4; 1 एहुन्‍ना 5:10-13,20; दरसन 2:18 हवे रेदो, न दिरीम कहनीवाँ रोटी बनोऊ।” 4तहाँ ईसु जबाब वडिया,

“नआँ घयते धरमग्रंथ रे लिखल इदाना,

‘होड़ सीरिफ रोटी ते मेने,

लेकिन भगवान राः अहा वरी उडूंगुआ,

हर एक टेबोः ते जीवातिय दोहोना’।”#बेवस्था 8:3

5तहाँ सयतान पवितर सहर रेय इदी तेडिया, अवुर मँडिल रे सींड़ वरी उसूला जघा रेय चँड़ा तेडिया, 6हेना वरी हेंय ईसु थरेय कहनी तेडा, “सही मेते अम भगवान होपोन हवे रेदो, न वरिम ऊजू, कहेकि धरमग्रंथ रे न याःते लिखल इदाना,

‘भगवान अम बंचो लगड सरगदूत कुतयिय हुकूम वआ,

अवुर हेंकू अम कटाम रे दिरी ते अलो लोजोर टोवीजुः लगड हथे पथे तेकू तिला दरम मिआँ’।”#सिरिंग 91:11,12

7तहाँ ईसु हेंय थरेय कहनी तेडा, “नआँ घयते हो धरमग्रंथ रे लिखल इदाना, ‘अम अनामअय परभु, भगवान अलोम अजमोवियू’।”#बेवस्था 6:16 8हेना वरी फेर सयतान हेंय मियाँटंग अखीर उसूला बुरू रेय इदी तेडिया, अवुर गोटा दुनिया राः राज अवुर राज राः सोबहा#1 एहुन्‍ना 2:15-17 तिबके डियतेय कहनी वडियू, 9“अगर अम लोजोर कोःते इंञ मी जोहारवा रेदो, नआँ सींड़ आँमिंञ ओवाआ।” 10तहाँ ईसु सयतान#1 इति 21:1; अय्यू 1:6-9,12; 2:1-7; मत्ती 16:23; मरकुस 4:15; लूका 13:16; 22:3,31; रोमि 16:20; 2 कुरि 2:11; 11:14; 2 थिस्स 2:9; दरसन 12:9 थरेय कहनी तेडा, “ए सयतान हटोः मी, कहेकि धरमग्रंथ रे नआँ घयते लिखल इदाना,

‘अम अनामअय परभु, भगवान मी जोहारवा,

अवुर सीरिफ हें-नी राः सेवम सेवा’।”#बेवस्था 6:13; 10:20; एहो 24:14; 1 समू 7:3; 12:24

11हेना वरी सयतान हेंय वरिय चलो यनु,#एकूब 4:7 अवुर ञेंल पे, सरगदूत मेजकेन ते हेंयिय देख रेख तेडा।#मत्ती 26:53; लूका 22:43; इबरानी 1:6,14

ईसु सेसेवाय बोंहड़ी तेडा

(मरकुस 1:14-15; लूका 4:14,15,31)

12एहुन्‍ना जेहेल रेकू डलो केडिया मेनाआ ईसु अँजोम तेडा,#मत्ती 14:3; मरकुस 6:17; लूका 3:19,20 तहाँ हेंय अहूदिया जिला वरी गलील जिला हनतेय चलो एना। 13हेना वरी हेंय नसरेत गाँव बगी वते, कफरनहूम#मरकुस 1:21; 2:1,2; 9:33; लूका 4:21-23; एहुन्‍ना 2:12 सहर रे सेनकेन तेय दोहो एना, नआँ सहर जबूलून अवुर नपताली कू दोहोन हेना सिवन रे, गलील समुन्धर बँदेर रे इदाना। 14ताकि एसायाह भविस्यवक्‍ता कहनी तडा, हेना टेबोः पूरा होयाऊ, हेना टेबोः नआँ हवे, 15“जबूलून अवुर नपताली परदेस, गलील समुन्धर हनते चलोआ होर रेआ, अवुर नआँ एरिया जरदन जोड़ वरी पुरूब गतर रेआ, जबूलून अवुर नपताली परदेस गलील जिला रेआ, नआँ रे अखीर अनजातकू दोहोना। 16नआँ रेनकू होड़कू अंधरा ओत रे दोहोनकू घयगिअकू, नेकू बडेआ इंजोतकू ञेंल वडा; अवुर जेतना होड़कू मिरतू राः देस अवुर उँबुल रेकू दोहोन दोहो एनु, हेंकू थरे इंजोत चमको एना।”#एसा 9:1,2; 42:6,7; 60:3; लूका 2:30-32; एहुन्‍ना 1:4,5,9 17हेन तोलोग वरी ईसु पपरचार अवुर न घयतेय कहनी बोंहड़ी तेडा, “मन पे मिड़ाऊ, कहेकि सरग राज बँदे रे मेजियाना।”#मत्ती 3:2

ईसु पहला चेला कुय राःतेडा

(मरकुस 1:16-20; लूका 5:1-11; एहुन्‍ना 1:35-42)

18एक दिन ईसु गलील राः समुन्धर#मत्ती 15:29; मरकुस 7:31; लूका 8:22-25; एहुन्‍ना 6:1,19 बँदे तेय से-ने दोहो एनु, तहाँ बा होड़ भाई कीञिंय ञेंल ञँमतेडा, हेंकींञ मेंडे मियाँहोड़ ञुमू सिमोन हवे, नेय पतरस#मत्ती 10:20; 16:18; एहुन्‍ना 21:15-21 मेनते होकू कहनी वया, नेय बोहोत अन्दिरयास दोहो एना। नेकींञ बना होड़ मगिया, समुन्धर रे जाल कींञ एनेज दोहो एनु, कहेकि हेंकींञ हकुकू ञेंञेंड कींञ दोहो एना। 19ईसु हेंकींञ थरेय कहनी तेडा, “इंञ तयोम तेबा मेजुऊ, इंञ अबा होड़कू ईंञाःकू चेला बनो कीञिंञ बनोबआ।” 20हेंकींञ तुरेत्ते जाल चिली बगी वते, हेंय तयोम तेकींञ सेनतेडा।

21हेना वरी मड़ंग हनते तोरा केनते, ईसु अवुर बा होड़ जबदी कोड़ा होपोन#मत्ती 10:2; 20:20,21; 26:37; 27:56; मरकुस 10:35-45 एकूब अवुर हेंय बोहोत एहुन्‍नाय ञेंल ञँमतेडा। अपत कींञ जबदी सुदा डोंगा रे अनाकू राः जाल कू तँग तुँगो दोहो एनु। हेना वरी ईसु हेंकींञ होय राःतेड किञाँ। 22हेंकींञ तुरेत्ते अपत अवुर जाल कींञ बगी वते, हेंय तयोम तेकींञ सेनतेडा।

ईसु रोगिया कुय चिकन तेडा

(लूका 6:17-19)

23हेना वरी ईसु गोटा गलील#मरकुस 1:39; लूका 4:14,15,44 रे सेनकेनते, एहूदिकू राः आराधना ओड़ाः तेय चेडकू दोहो एनु, #मत्ती 9:35; 13:54; मरकुस 1:21; लूका 4:15; एहुन्‍ना 6:59; 18:20 अवुर भगवान राः राज राः बढ़ियाँ खभेरिय परचार तेडा, #मरकुस 1:14; लूका 4:43; दरसन 14:6 अवुर केय प्रकार रेनकू रोगियाकू, अवुर बेमारिया कुय चिकन दोहो एनु।#मत्ती 8:16; 14:14; 15:30,31; 19:2; मरकुस 1:34; 3:10; लूका 7:21,22; परेरित 10:38 24ईसु राः खभेर गोटा सीरिया देस#लूका 2:2; परेरित 15:23 रे मिरीज यनु, अवुर होड़कू सगोर रोगियाकू अवुर केय प्रकार ते हसु तनकू, अवुर दुख रेकू दोहो एना, हेंकू हेंय थरे कू अगतेड कुआ। अवुर जे जे थरे भूतकू लगो तना,#मत्ती 8:16; 8:33; 9:32; 12:22; 15:22; मरकुस 1:32; 5:15-18 अवुर मिरगीः हेंकू,#मत्ती 17:15 अवुर लवका ञेंडतड कुः हेंकू हो, #मत्ती 8:6; 9:2,6; मरकुस 2:3-5,9 हेंय थरे कू अगतेड कुआ,#मरकुस 1:32,33; लूका 4:40 अवुर ईसु हेंकुय चिकन तेडकुआ। 25अवुर गलील अवुर दिकापुलिस,#मरकुस 5:20; 7:31 एरुसलेम, अहूदिया, अवुर जरदन जोड़ वरी मेना परोम तेनकू भीड़ेक भीड़ हेंय तयोम तेकू सेनतेडा।#मरकुस 3:7,8; लूका 6:17

ప్రస్తుతం ఎంపిక చేయబడింది:

मत्ती 4: ksz

హైలైట్

షేర్ చేయి

కాపీ