LÚKAS 7:7-9

Wul ka wun n tsënkaants pëjaa man bi tsi wi bërierin. Maa, jaan përim, din naleemp nji ka yës. Par nji, man ci ñaan nan kai bawiak nji, a n ka buts basondaari biki n wiak biki; ma nja n ja ni: ‘Tsëpan,’ në tsëp; ka ja nun: ‘Bili,’ në bi; ka ja naleemp nji: ‘Doan ko wi,’ në ro wul.” Bi Yeesu te bi ko wan, a na pikra tsi uleka kapëton namënts un. Na witsësa kaŋ kandënd bañaan ban dunanul biki, na ja: “Man ja ind, yaas ka win uwak un dëmb wi pi wi, ŋal tsi bañaan Israel.”