Kucangtsi 10
10
Mbukwen Ande ti Utense Ru ye Rishi na Nuhu
1Abane si rishi na anyisu Nuhu, Shem, ti Ham, ti Jafeti, fa ti anyisu ti aba mbae isim ti ambyi munnkyi utense. 2Anyisu Jafeti si Gomer, ti Magog, ti Madai, ti Javan, ti Tubal, ti Meshek, ti Tirasi. 3Anyisu Gomer si Ashikenazi, ti Rifati, ti Togarma. 4Anyisu Javan si Elisha ti Tershishi ti Kitim ti Dodanim. 5Ayi si uwae rishi Javan bane ti ande ti ku nae unju uyinn mbae jwunn kyife uwog meme. Abane ti si rishi na Jafeti ti uwog ti a nae atang, kukang-ba ti unju uten-ba.
Rishi na Ham
6Anyisu Ham ama ta re. Kushi ti Mizirayim ti Puti ti Kanana. 7Anyisu Kushi si Seba, ti Havila ti Sabta, ti Rama ti Sabteka. Anyisu Rama si Sheba ti Dedan. 8Kushi mbae Nimrodi. Awu ti si ukwerika ti tawe uwae utense. 9Awu ti si tatu ti ribom uwe Yaweh nee iken ti nde ande ku ri baa, “Yaweh ā nda, ti fu si tatu ti ribom pangma Nimrodi.” 10Kujwokwe-wu ti kucang bag ti Babila, ti Erek, ti Akadi, ti Kalne, ti ta Shinar. 11Ama awu nwunn atang, u ru yi Asiriya, u ka mbye Nineve, ti Rehoboti-Ir ti Kala 12ti Resen, kutampwa Nineve, ti Kala ti si uten tiyang. 13Mizirayim mbae ande ti Ludi, ti ande ti Anamim, ti ande Lehab, ti ande Nafitu, ti 14ande ti Patirusi, ti ande ti Kasilu (abane ti si rishi na Filisiti) ti Kafitor.
15Kanana mbae Sidon umbae kucang-wu ti inja-wu Hiti. 16Awu Kanana ama si sí itse ande ti Jebusi, ti ande ti Amor, ti ande ti Girgashi, 17ti ande ti Hivi ti ande ti Arki ti ande ti Sini 18ti ande ti Arvadi ti ande ti Zemari ti ande ti Hamati. Isim ayine, rishi na Kanana mbae jwunn kyife uwog meme. 19Ice ande ti Kanana bag ti uten ti Sidon ti ta uwe ti Gerar ka sang ti Gaza, u nwunn atang ru uwe ti Sodom ti Gomora ti Adima ti Zeboyim ru ka sang ti Lasha. 20Abane ti si rishi Ham, ishikununn-ba, ti unju uten-ba, ti uten-ba ti ambukwen-ba.
21Shem, ndufu Jafeti ama mbae anyisu, awu si itse meme anyisu Eber. 22Anyisu Shem ta re. Elam ti Ashur ti Arpakisha ti Ludi ti Aram. 23Anyisu Aram si Uzi, ti Hul, ti Geter, ti Mashi. 24Arpakisha mbae Shela, Shela mbae Eber. 25Eber ama mbae anyisu ifaen. Rinyi kinjo si Peleg ikyaen ti, kiye wu aba kata uten. Rinyi inja-wu ama si Jokitan. 26Jokitan ama mbae Alimodadi ti Shelef ti Hazar-maveti ti Jera, 27ti Hadoram ti Uzal ti Dikila, 28ti Obali ti Abimayel ti Sheba, 29ti Ofir ti Havila ti Jobab. Meme abane ti si anyisu Jokitan. 30Ice-ba nwunn Mesha, uwe ti ku ru yi Sefar ru fe yi kubab rikwen uwe usir ti kiskinn. 31Abane ti si rishi Shem, ti ishikununn-ba, ti unju uten-ba, ti uten-ba, ti ambukwen-ba.
32Abane meme ti si rishi na Nuhu ti rishi rishi-ba, ti uten-ba. Ishikununn ayine ti mbae jwunn kyife utense isim ti ambyi wen tag ande uwae utense meme.
ప్రస్తుతం ఎంపిక చేయబడింది:
Kucangtsi 10: kubNT
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
© Wycliffe Bible Translators, Inc. and
© The Nigeria Bible Translation Trust 1995, 2017
