Yela 30
30
Korowii jaama wesoŋa
Kooro Devid yel
1N Naa Korowii, mɛɛ kpɛɛree,
dɛkalkɛ he lɛɛ mɛ,
he ta ɡelɛ n dɔma
mam mɛ.
2Korowii maa dɛ tomɛ,
n wio noe kɛ he cha mɛ,
asɛ he chaah mɛ,
3dɛ lɛɛ mɛ le seo ta,
he ta ɡelɛ n kaa lalabwɛ.
4Korowii nɛra ba wa
aa toɡra bwa,
hé ɡo yela kpɛɛro,
hé kpɛɛ o sɔn
waa do ɡoroŋ la.
5O baah diu waa,
aa biɡri dɛ o sɔɔhnɔ,
kɛ o nyina waa dɛ nyin nɛn
lole saŋ bɛlbwa.
Yaa won dɛɛ wi jwaana,
kɛ tɔɔ ne pera
dɛ silɛɛ ɡboo.#Jɔn 20:11-18
6N fa aa dɔ bosɔɔhna la, n ŋɔ,
“Wobɛlbwa aa won ɛɛ mɛ.”
7N Naa Korowii,
haa sune n nɛɛ la,
he ɡelɔ n che kiŋkiŋ
kɛŋɔ bwejen ken.
Kɛ haa laa sie kpɔ n nɛɛ la,
n ɔmɔ kohona.
8N Naa Korowii,
henee n wi dɛɛ yerɛ,
n soŋe kɛ he na n sum ŋɔ,
9“Dɛ n sewɔ ba huɡ mɛ naa,
tɔnɔ besoo aa ba lee
dɛ́ tɛɛ nɔ?
Nɛn sewaa, wɛɛ won
kpɛɛre ja aa?
Wɛɛ won bol he wedɛɛɡa,
aa wola jaɡa dɔe la
waa ja aa?
10N Naa Korowii,
na n sum dɛ́ no n be.
N Naa Korowii, cha mɛ!”
11He ɡelɔ n suna dii berɛ silɛɛ,
mɛɛ sa,
dɛ ɡel n soh n wii,
dɛ kpɔ silɛɛ tɔ mɛ kɛŋɔ yal.
12Anomanta, maa nyoa tɔ,
mɛɛ ɡo yelaa dɛ́ kpɛɛre.
Korowii maa dɛ tomɛ,
mɛɛ kpɛɛre saŋ bɛlbwa
dɛɛ la.
ప్రస్తుతం ఎంపిక చేయబడింది:
Yela 30: mzw
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.