Yela 24
24
Koojen la wa
Kooro Devid yel
1Korowiirii dɔ harɛ nɔ
ne komɛlbwa aa lɔ o ta,
hale nɛwɛnyina
bwa sekwara.
2Onee pa harɛ mun
o chɔŋɛ nee sie,
dɛ ɡel kwaa aa lawɔ kpoŋe
che viljena ta.
3Umee dɔ ŋwɛnɛ dɛ́ teeh
kaa Korowii Dea,
bela waa do ɡoroŋ
ba le cheɡ
dɛɛ tomɔ la ta nɔ?
4Nɛn o we-ɛɛla aa wera,
o tea to
waa wola voɡa tomɛ,
kɛɛ dɛɛ ŋwɛɛ saɡasaɡa.#Mat 5:8
5Gɛ te laanee Korowii ɛɛ ba
andɛɛɡa sweera tɛ dɛ́ lɛo,
dɛ́ pao bole.
6Gɛ nɛraa dɛɛ nyin
Korowii be bala,
Korowii Jekɔb aa tomɔ la be.
7Hé ya doonyojena la kohona,
hé ya saŋ la doonyoo la,
ásɛ Koojen waa dɔ jirima
la ba jo.#Mum 28:17
8Umee Koojen waa dɔ
jirima kohona nɔɔ?
Onee Korowii waa dɔ
kpeɡri, dɛ do kan,
dɛ ɛ banyoo laa yoi ta la.#Jos 5:14
9Hé ya doonyojena la kohona,
hé ya saŋ la doonyoo la,
ásɛ Koojen
waa dɔ jirima la ba jo.
10Umee Koojen waa dɔ
jirima kohona nɔɔ?
Nemenɛ Korowiirii,
onee Kooro
waa dɔ jirima kohona la!
ప్రస్తుతం ఎంపిక చేయబడింది:
Yela 24: mzw
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.