ᒉᓂᓯᔅ 4
4
ᑫᓐ, ᐁᐸᓬ ᐁᑕᔑᒥᑣ
1ᐋᑕᒻ Adam ᑕᔥ ᐅᑮ ᐐᐯᒫᓐ ᐐᐗᓐ ᐄᑉ Eve ᐁᔑᓂᑳᓱᓂᒡ᙮ ᒦᑕᔥ ᑳᑮ ᐅᓃᒑᓂᓯᓂᒡ, ᑸᐎᓭᓴᓐ ᐁᑮ ᐊᔮᐙᓂᒡ᙮ ᒦᑕᔥ ᐄᑉ ᑳᐃᑭᑐᒡ, ᑳᑎᐯᒋᑫᒡ ᓴ ᓂᑮ ᐐᒋᐃᒃ ᒋᐊᔮᐎᒪᒃ ᑸᐎᓭᓴᓐ᙮ ᑫᓐ Cain ᑕᔥ ᐅᑮ ᐃᔑᓂᑳᓈᓐ᙮ 2ᓈᓈᑫ ᑕᔥ ᒦᓇᐙ ᑯᑕᒃ ᑸᐎᓭᓴᓐ ᑮᓂᑖᐎᑭᐗᓐ ᐐᒋᑭᐌᓂ, ᐁᐸᓬ Abel ᐁᑮ ᐃᔑᓂᑳᓈᒡ᙮ ᐁᐸᓬ ᐅᑮ ᓈᓈᑲᒋᐋᐞ ᒫᓇᒑᓂᔕᐞ᙮ ᐊᐊ ᑕᔥ ᐐᓐ ᑫᓐ ᑮᑭᑎᑫᐎᓂᓃᐎ᙮ 3ᓈᓈᑫ ᑕᔥ ᐁᐊᓂ ᐃᔑᓭᓂᒃ ᑫᓐ ᐅᑮ ᐲᑑᓐ ᑳᑮ ᓂᑖᐎᑭᑑᒡ ᐅᑭᑎᑫᐗᑲᒥᑯᕽ, ᐁᑮ ᐸᑭᑎᓇᒪᐙᒡ ᑳᑎᐯᒋᑫᓂᒡ᙮ 4#Heb 11.4. ᐁᐸᓬ ᑕᔥ ᑲᔦ ᐅᑮ ᐸᑭᑎᓇᒪᐙᓐ ᑳᑎᐯᒋᑫᓂᒡ, ᐁᑮ ᐲᓈᒡ ᒫᐗᒡ ᐃᑯ ᓂᑕᒻ ᑳᑮ ᓂᑖᐎᑭᓂᒡ ᒫᓇᒑᓂᔐᓴᐞ ᑳᑮ ᐅᒌᓂᒡ ᐅᒫᓇᒑᓂᔑᒥᕽ᙮ ᐁᑮ ᐸᑭᑎᓈᒡ ᒫᐗᒡ ᓴ ᐱᑯ ᐁᔑ ᐱᒥᑌᐎᓂᒡ᙮ ᑳᑎᐯᒋᑫᒡ ᓴ ᐅᑮ ᒥᓍᐸᒫᓐ ᐁᐸᓬᐗᓐ, ᐅᑮ ᒥᓍᐸᑕᒪᐙᓐ ᑲᔦ ᑳᑮ ᐸᑭᑎᓇᒥᓂᒡ᙮ 5ᑳᑎᐯᒋᑫᒡ ᑕᔥ ᑳᐐᓐ ᐅᑮ ᒥᓍᐸᒫᓰᓐ ᑫᓇᓐ, ᐃᐃ ᑲᔦ ᑳᑮ ᐸᑭᑎᓇᒫᑯᒡ᙮ ᑫᓐ ᑕᔥ ᐐᑫ ᑮᓂᔥᑳᑎᓯ, ᑮᓂᓯᑕᐎᓈᑯᓯ ᑲᔦ ᐁᑮ ᒫᓈᐸᑕᕽ᙮ 6ᑳᑎᐯᒋᑫᒡ ᑕᔥ ᐅᑮᐃᓈᓐ ᑫᓇᓐ, ᐌᑯᓀᓐ ᐌᒋ ᓂᔥᑳᑎᓯᔭᓐ, ᐌᑯᓀᓐ ᑲᔦ ᐌᒋ ᓂᔥᑭᓈᑯᓯᔭᓐ? 7ᑮᔥᐱᓐ ᑾᔭᒃ ᐃᔑᒋᑫᔭᓐ ᑭᑖ ᓇᑲᓂᑰᓐ ᐃᐃ ᑳᔑ ᒫᓈᐸᑕᒪᓐ᙮ ᑮᔥᐱᓐ ᑕᔥ ᑾᔭᒃ ᐃᔑᒋᑫᓯᐗᓐ, ᒪᒋᑑᑕᒧᐎᓐ ᐅᔕ ᒌᑲᔭᐄ ᑭᑕᑲᒫᑰᓐ ᒋᐅᑎᑎᓂᑯᔭᓐ᙮ ᑫᑯ ᐸᑭᑎᓇᑫᓐ ᒪᒋᑑᑕᒧᐎᓐ ᒋᑎᐯᓂᒥᑯᔭᓐ᙮
8 # Mat 23.35; Luk 11.51; 1Jn 3.12. ᑫᓐ ᑕᔥ ᐅᑮᐃᓈᓐ ᐁᐸᓬᐗᓐ ᐐᒋᑭᐌᔭᓐ, ᑕᑲ ᐌᑎ ᐃᔖᑖ ᑭᑎᑫᐎᓂᕽ᙮ ᐊᐲ ᑕᔥ ᐁᑮ ᐊᓂ ᐊᔮᐙᒡ ᐌᑎ ᑭᑎᑫᐎᓂᕽ, ᑫᓐ ᐅᑮ ᐅᑎᑎᓈᓐ ᐁᐸᓬᐗᓐ ᐐᒋᑭᐌᔭᓐ ᐁᑮ ᓂᓵᒡ᙮
9ᑳᑎᐯᒋᑫᒡ ᑕᔥ ᐅᑮᐃᓈᓐ ᑫᓇᓐ, ᐋᓃᑎ ᑕᔥ ᐊᐊ ᐁᐸᓬ ᑮᒋᑭᐌᓯ? ᑫᓐ ᑕᔥ ᑮᐃᔑ ᓇᑴᑕᒻ, ᑳᐐᓐ ᓂᑭᑫᓂᒫᓰ ᐋᓃᑎ ᐁᔮᑴᓐ᙮ ᓃᓐ ᐃᓇ ᑫᑲᓇᐌᓂᒪᑭᐸᓐ ᓃᒋᑭᐌᓯ?
10 # Heb 12.24. ᒦᑕᔥ ᑳᐃᑯᒡ, ᐋᓃᓐ ᑕᔥ ᑳᐅᒋ ᐃᔑᒋᑫᔭᓐ? ᑮᒋᑭᐌᓯ ᐅᔕ ᐅᒥᔅᑸᒻ ᑳᑮ ᐅᒋᑲᐎᓂᓂᒃ, ᒥᑕᑲᒥᒃ ᐅᔕ ᓂᑐᒋ ᑲᓅᓂᑯᐙᓐ᙮ 11ᓅᑯᒻ ᑕᔥ ᐊᑮᕽ ᑭᑐᒋ ᒪᒐᑭᓐᔅ, ᐋᓃᔥ ᒦ ᐃ ᐁᔑᓈᑾᒃ ᐃᐃ ᑖᐱᔥᑰ ᒥᑕᑲᒥᒃ ᐁᑮ ᒥᓂᒀᑕᕽ ᑮᒋᑭᐌᓯ ᐅᒥᔅᑸᒻ ᑳᑮ ᐅᒋᑲᐎᓂᓂᒃ: ᑮᓐ ᑕᔥ ᐃᐃ ᑭᑎᔑᒋᑫᐎᓐ᙮ 12ᐊᐲ ᑕᔥ ᑭᑎᑫᔭᓐ ᐃᐃᒫ ᑭᑎᑫᐗᑲᒥᑯᕽ, ᑳᐐᓐ ᑫᑰᓐ ᑭᑲ ᑲᔥᑭᑑᓰᓐ ᒋᓂᑖᐎᑭᑑᔭᓐ᙮ ᑮᓐ ᑲᔦ ᑭᑲ ᑎᓄᐤ ᐊᐎᔭ ᓂᑯᒋ ᑳᐃᔑᑖᓯᒃ, ᒥᓯᐌ ᐊᑮᕽ ᑭᑲ ᐸᐹᐗᐙᓀᑕᒻ᙮
13ᑫᓐ ᑕᔥ ᐅᑮᐃᓈᓐ ᑳᑎᐯᒋᑫᓂᒡ, ᐅᐅᐌ ᑳᔑ ᓇᓇᐊᔑᔭᓐ, ᐗᐐᑫ ᓂᓴᓇᑫᑖᓐ ᒋᐱᒥᐎᑑᔮᓐ᙮ 14ᐃᓇᔥᑫ ᑲᔦ ᓅᑯᒻ ᑳᑮᔑᑲᒃ ᓂᑯᒋ ᑭᑎᓈᒧᑲᐃᔥ ᐅᐅᒫ ᑭᑎᑫᐗᑲᒥᑯᕽ, ᓂᑯᒋ ᑲᔦ ᑭᑎᓈᒧᑲᐃᔥ ᐅᐅᒫ ᐁᓈᓴᒦᔭᓐ᙮ ᓃᓐ ᑕᔥ ᑳᐐᓐ ᓂᑯᒋ ᓂᑲ ᐃᔑᑖᓰ, ᒥᓯᐌ ᑲᔦ ᐊᑮᕽ ᓂᑲ ᐸᐹᐗᐙᓀᑕᒻ᙮ ᐊᐎᔭᒃ ᓴ ᑲᔦ ᑫᒥᑲᐎᐙᒡ ᐱᓵᓂᑯ ᓂᑲ ᓂᓯᑰᒃ᙮
15ᑳᑎᐯᒋᑫᒡ ᑕᔥ ᐅᑮᐃᓈᓐ ᑫᓇᓐ, ᑮᔥᐱᓐ ᓴ ᐊᐎᔭ ᓂᓯᒃ, ᓃᔣᒋᕽ ᒥᓂᒃ ᓂᑲ ᐃᔑ ᑮᐌᓇᒪᐙ ᑫᑑᑕᐎᒃ᙮ ᑳᑎᐯᒋᑫᒡ ᑕᔥ ᐅᑮ ᑭᑭᓇᐙᒋᐋᓐ ᑫᓇᓐ ᑫᐅᒋ ᓂᓵᓯᐎᒥᓐᒡ ᐊᐎᔭᓐ ᓇᑭᔥᑳᑯᓂᒡ᙮ 16ᑫᓐ ᑕᔥ ᐊᓅᒋᑯ ᑮᐅᒋ ᐃᔖ ᐁᔑᐊᔮᓂᒡ ᑳᑎᐯᒋᑫᓂᒡ᙮ ᐌᑎ ᑕᔥ ᓈᑦ Nod ᐊᑮᕽ ᑮᐃᔑ ᑲᐯᔑ, ᐙᐸᓄᕽ ᐃᓇᑫ ᐄᑎᓐ Eden ᑭᑎᑫᐗᑲᒥᑯᕽ᙮
ᑫᓐ ᐅᐲᐌᓰᒪᐞ ᐁᑕᔑᒥᒥᓐᒡ
17ᑫᓐ Cain ᑕᔥ ᐅᑮ ᐐᐯᒫᓐ ᐐᐗᓐ, ᒦᔥ ᑳᑮ ᓂᑖᐎᑭᐋᓂᒡ ᑸᐎᓭᓴᓐ᙮ ᐄᓈᒃ Enoch ᑕᔥ ᐅᑮ ᐃᔑᓂᑳᓈᐙᓐ᙮ ᑫᓐ ᑕᔥ ᐅᑮ ᐅᔑᑑᓐ ᑭᒋ ᐆᑌᓇ ᐄᓈᒃ ᐁᑮ ᐃᔑᓂᑳᑕᕽ ᐁᔑᓂᑳᓱᓂᒡ ᐅᑯᓯᓴᓐ᙮ 18ᐄᓈᒃ Enoch ᑕᔥ ᑮᐅᑯᓯᓯ ᐋᐃᕒᐋᑕᓐ Irad; ᐋᐃᕒᐋᑦ ᑕᔥ ᑮᐅᑯᓯᓯ ᒣᔫᒉᓬᐊᓐ Mehujael; ᒣᔫᒉᓬ ᑕᔥ ᑮᐅᑯᓯᓯ ᒣᑑᔕᐁᓬᐗᓐ Methushael; ᒣᑑᔕᐁᓬ ᑕᔥ ᑮᐅᑯᓯᓯ ᓬᐁᒣᑰᓐ Lamech᙮ 19ᓬᐁᒣᒃ ᑕᔥ ᑮᓃᔑᐗᐞ 2 ᐐᐗᐞ᙮ ᐁᑕ Adah ᐯᔑᒃ ᑮᐃᔑᓂᑳᓱᐗᓐ, ᑯᑕᒃ ᑕᔥ ᓯᓬᐊ Zillah᙮ 20ᐊᐊ ᑕᔥ ᐃᑴ ᐁᑕ ᐅᑮ ᓂᑖᐎᑭᐋᓐ ᒉᐸᓬᐗᓐ Jabal᙮ ᒦᐗᓐ ᑕᔥ ᐃᓂ ᑳᑮ ᐅᐲᐌᓰᒥᓂᒡ ᐃᐃ ᐸᒀᓀᑲᒥᑯᕽ ᑳᑮ ᐃᔑᑖᓂᒡ, ᑳᑮ ᐊᔮᐙᓂᒡ ᑲᔦ ᐊᐗᑳᓇᐞ᙮ 21ᑳᑮ ᐅᐐᒋᑭᐌᓂᒡ ᑕᔥ ᒎᐸᓬ Jubal ᑮᐃᔑᓂᑳᓱᐗᓐ᙮ ᒦᑕᔥ ᐐᓐ ᐃᓂ ᐅᐲᐌᓰᒥᓂ ᑳᑮ ᓂᑖ ᑭᑐᒋᑫᓂᒡ ᐴᑖᒋᑲᓀᔅ, ᑭᒋ ᒣᑗᔮᐲᑭᐱᒋᑳᑌᓂᒃ ᑲᔦ ᐁᐋᐸᒋᑑᓂᒡ᙮ 22ᐊᐊ ᑕᔥ ᑫᐐᓐ ᑯᑕᒃ ᐃᑴ ᓯᓬᐊ ᐅᑮ ᓂᑖᐎᑭᐋᓐ ᑸᐎᓭᓴᓐ ᑑᐸᓬ ᑫᓐ Tubal Cain ᐁᐃᔑᓂᑳᓱᓂᒡ᙮ ᒦᐗᓐ ᑕᔥ ᐃᓂ ᐅᓵᐙᐱᑯᕽ, ᐲᐙᐱᑯᕽ ᑲᔦ ᑳᑮ ᐅᒋ ᐅᔑᑑᓂᒡ ᐋᐸᒋᒋᑲᓇᓐ᙮ ᐅᑕᐌᒫᓐ ᑕᔥ ᓀᐊᒪ Naamah ᑮᐃᔑᓂᑳᓱᐗᓐ᙮ 23ᓬᐁᒣᒃ ᑕᔥ ᐅᐅ ᐅᑮᐃᓈᐞ ᐐᐗᐞ,
ᐁᑕ Adah ᑫᑮᓐ ᑕᔥ ᓯᓬᐊ
ᑳᐐᐎᒥᓇᑰᒃ, ᑕᑲ ᐱᓯᑕᐎᔑᒃ!
ᓂᑮ ᓂᓵ ᐃᓂᓂ ᐋᓃᔥ ᓂᑮ ᒫᑭᐃᒃ,
ᑮᐅᔥᑳᑎᓯ ᓂᑮ ᐸᑭᑌᐅᒃ᙮
24ᑮᔥᐱᓐ ᓃᔣᓱ 7 ᐊᐎᔭᒃ ᒋᓂᓯᑣᐸᓐ
ᐁᓇᑭᑌᑴᓐ ᑫᓐ ᐅᒋ,
ᓃᔣᓯᒥᑕᓇᔑᓃᔣᓱ 77 ᑕᔥ ᓃᓐ ᓬᐁᒣᒃ
ᐊᐎᔭᒃ ᑕᓂᓵᐗᒃ ᑮᔥᐱᓐ ᓂᓯᑰᔮᓐ,
ᑮᐃᑭᑐ᙮
ᓭᑦ ᐊᐊ ᑲᔦ ᐄᓄᔅ ᑮᓂᑖᐎᑭᐙᒡ
25ᐋᑕᒻ Adam ᑕᔥ ᐅᑮ ᐐᐯᒫᓐ ᐐᐗᓐ ᐄᐸᓐ Eve, ᒦᑕᔥ ᑳᑮ ᓂᑖᐎᑭᐋᓂᒡ ᑸᐎᓭᓴᓐ᙮ ᓭᑦ Seth ᑕᔥ ᐅᑮ ᐃᔑᓂᑳᓈᐙᓐ᙮ ᐄᑉ ᑕᔥ ᑮᐃᑭᑐ, ᑭᔐᒪᓂᑑ ᓴ ᓂᒦᓂᒃ ᑯᑕᒃ ᑸᐎᓭᓴᓐ ᒋᓈᐱ ᐊᔮᓂᒡ ᐁᐸᓬᐗᓐ Abel ᑳᑮ ᓂᓯᑯᓂᒡ ᑫᓇᓐ Cain, ᑮᐃᑭᑐ᙮ 26ᓭᑦ ᑕᔥ ᑫᐐᓐ ᑮᐊᓂ ᐅᑯᓯᓯ, ᐄᓈᔥ Enosh ᐅᑮ ᐃᔑᓂᑳᓈᓐ᙮ ᒦᑕᔥ ᐃᐃ ᐊᐲ ᐊᐎᔭᒃ ᐯᒫᑎᓯᐙᒡ ᑳᑮ ᒫᒋᑖᐙᒡ ᐁᐋᐸᒋᑑᐙᒡ ᑳᑎᐯᒋᑫᓂᒡ ᐅᐐᓱᐎᓂᓂ ᐁᐊᓇᒥᐁᑕᐙᐙᒡ᙮
ప్రస్తుతం ఎంపిక చేయబడింది:
ᒉᓂᓯᔅ 4: OJBS
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Ojibwe Shorter Bible (Syllabic Script) © 2008 Canadian Bible Society
