Popular Bible Verses from Ifyakutaŋga 1

షేర్ చేయి

Popele ŵaLesa ati: Ŋgatuleŋge neŵantu koti cipasyo cesu, koti mekalilo esu: ŋgaŵakaŵe neŵukulu ubwapesaŵi ilyamucisiŵa, nebwapafyuni ifyamwiulu, nebwapaŋombe, nebwapacalo conse, nebwapafiloŋgolo fyonse ifikalaŵa pacalo. Popele ŵaLesa ŵalileŋgele umuntu, uwali necipasyo caŵo; ŵalimuleŋgele umwalalume nemwanakasi.

Popele apo ŵaLesa ŵaliŵasyucisye: naŵo ŵaLesa ŵalilaŵile kuli ŵo ati: Mufyalisye, mufunuke, mukakumane mucalo, mucikomeke; mukaŵe neŵukulu ubwapesaŵi ilyamucisiŵa, nebwapafyuni ifyamwiulu, nebwapafintu fyonse ifyamweo ifienda pacalo.

Pakutaŋga lukoso ŵaLesa ŵalileŋgele iulu necalo capansi.

Lomba icalo cali lukoso, caliŵele cinaŋgwa; nemfinsi nekwila ponse pamenda atali. Popele Umupasi waŵaLesa walukusesemucila pamenda ayo.

Popele apo ŵaLesa ŵalilaŵile ati: Patuŵe! lomba palituŵile.

Popele apo ŵaLesa ŵalibwene ifintu fyonse ifyo ifi ŵaleŋgele, lomba ŵoneni, fyaliweme ukwakuti. Lomba nekwila nekuca ninsiku yakukoŵeka-mo.

Popele ŵaLesa ŵalibwene ukutuŵo'ko ati kuweme; kaŵili ŵaLesa ŵalilekenye ukutuŵa nemfinsi.

Kaŵili ŵaLesa ati: Ŵoneni, namupeleni insaŋgu syonse isiikate'mbuto, isili pacalo conse, nemiti yonse, muli yo emuli ifisepo ifyamiti ifilikate'mbuto; ifyo fikaŵa fyakulya fyenu

Popele apo ŵaLesa ŵaliilicile ukutuŵa ati niNsiku, nemfinsi nayo ŵaliilicile ati Ŵusiku. Lomba nekwila nekuca ninsiku yakutaŋga.

Popele apo ŵaLesa ati: Pekale umuceleŵela pakati kamenda, kulekanye amenda paŵili.

kaŵili inama syonse isyapacalo, nefyuni fyonse ifyamwiulu, nefintu fyonse ifikalaŵa pacalo, ifili nemweo, nafipela imbeu syonse isilukumena syakulya: nafyo fyaliŵele'fyo.

Popele ŵaLesa ati: Pekale inyale mumuceleŵela uwakwiulu, isyakulekanya insiku neŵusiku; ŋgasiikale twisiŵilo, isyakupende'mpindi nensiku nemyaka

Popele ŵaLesa ati: Mucalo ŋgamumene icani, nensaŋgu isyakwikate'mbuto, nemiti iyakwikate'fisepo, yonse koti mikoka yaiyo, muli fyo emuli imbuto syaiyo, pacalo: nafyo fyaliŵele'fyo.

Popele ŵaLesa ŵalileŋgele umuceleŵela nekulekanya amenda apa nsi pamuceleŵela nemenda ayo apeulu pamuceleŵela.

Icine mucalo mwalimenene icani, nensaŋgu isyakwikate'mbuto, syonse koti mikoka yasisyo, nemiti iyakwikate'fisepo, muli fyo emuli imbuto syaiyo, yonse koti mikoka yaiyo: popele ŵaLesa ŵalibwene ati fyonse fiweme.

Popele ŵaLesa ŵalileŋgele inyale isyo siŵili isikulu; inyale icilile uŵukulu ati ikalukwikalike'nsiku, nayeyo-nyale icepele ati ikalukwikaliko' ŵusiku; kaŵili ŵalileŋgele netuŵaŋgaŵaŋga.

Popele ŵaLesa ŵalilaŵile ati: Amenda onse apansi aloŋganine pantu pamo, pamutunta apomine pakaŵoneke. Popele fyaliŵele'fyo. Popele ŵaLesa ŵaliilicile pamutunta ati Calo; nekuloŋgana kwamenda nako ŵaliilicile ati Fisiŵa. Naŵo ŵaLesa ŵalibwene ati fiweme.

Lomba ŵaLesa ŵalifisyucisye, nekulaŵila ati: Mufyalisye, mufunuke, mukumane mumenda amufisiŵa; nefyuni nafyo ŋgafifunuke mucalo.

Popele ŵaLesa ati: Pacalo ŋgapafyalilwe ifileŋgelwe ifyamweo koti mikoka yafifyo, iŋombe, nefiloŋgolo ifikalaŵa pansi, nenama isyapacalo koti mikoka yasisyo: lomba fyaliŵele'fyo.

Popele ŵaLesa ati: Mumenda ŋgamufyalilwe nekufunucila-mo ifileŋgelwe ifienda, ifili nemweo; kaŵili ifyuni ŋgafilukupalala peulu pacalo mumuceleŵela uswetele uwakwiulu.

Icine ŵaLesa ŵalileŋgele inama isyapacalo capansi koti mikoka yasisyo, neŋombe koti mikoka yasisyo, nefintu fyonse ifikalaŵa pansi koti mikoka yafifyo: naŵo ŵaLesa ŵalibwene ati fiweme.