Popular Bible Verses from Yoˇhanˬ li‸ 5

షేర్ చేయి

Ngaˬ nawˬ hui hta‸ awˬ tehˬ awˬ na kʼoˆ laˇ ve, ngaˬ ve tawˇ hkawˇ hta‸ na yuˬ leh, ngaˬ hta‸ peu laˇ shehˍ hpaˇ hta‸ yonˍ ve chaw teˇ gʼaˇ lehˬ, co ti‸ ha ti‸ cawˬ taˍ peuˬ. Suhˉ jehˬ ve hta‸ yawˇ maˇ gʼa hkanˍ. Suh ve awˬ hkʼaw lo yawˇ ponˬ tawˆ-e leh, te‸ ve awˬ hkʼaw lo gʼa lo‸-e peuˬ.

Yeˍsuˆ lehˬ, chaw oˇ ve hta‸ gʼa mawˬ leh, yawˇ naˬ maw jaˇ peuˬ ve hta‸ gʼa shiˍ ve teˇ yanˇ, Nawˬ chehˇ sha la gaˇ laˇ teh‸, yawˇ hta‸ na nyi ve yoˬ.

Nawˬ hui lehˬ, Li‸ hpu awˬ hkʼaw lo co ti‸ ha ti‸ hta‸ gʼa tuˬ yoˬ teh‸ dawˇ ve pa taw, Li‸ hpu hta‸ nawˬ hui hkʼa deh‸ ca hpeu‸ nyi gʼaw nyi ve yoˬ. Li‸ hpu oˇ ve lehˬ, ngaˬ awˬ lawn shaˉ hkiˆ hkanˍ ve yoˬ. Ya‸ hkʼaˇ, nawˬ hui co ha te‸ ve hta‸ gʼa tuˬ, ngaˬ geh laˬ tuˬ nawˬ hui nyi ma maˇ cawˬ.

Yeˍsuˆ kʼoˆ ve, Tu loˬ. Nawˬ ve zuh‸ hpui hta‸ yuˬ leh kʼai-o teh‸, yawˇ hta‸ kʼoˆ piˇ ve yoˬ. Chaw oˇ ve teˇ gʼaˇ lehˬ, teˇ cawˬ haˉ na-e la leh, yawˇ ve zuh‸ hpui hta‸ yuˬ leh kʼai ve yoˬ.

Yeˍsuˆ kʼoˆ ve, Ngaˬ nawˬ hui hta‸ awˬ tehˬ awˬ na kʼoˆ laˇ ve, Yaˇ hpu lehˬ yawˇ hkʼaˇ yawˇ a loˍ cawˇ ve hkʼe te‸ chiˉ ka‸ te maˇ gʼa. Awˬ pa te chehˇ ve hta‸ gʼa mawˬ ve hkʼe ceh tiˉ yawˇ te ve yoˬ. Awˬ pa hkʼa te ve teˇ ceuˬ le le hta‸ Yaˇ hpu htawˇ te ve yoˬ.