Popular Bible Verses from Yoˇhanˬ li‸ 14

షేర్ చేయి

Dawˇ sha gaˇ sha ve teˇ ceuˬ ngaˬ nawˬ hui hta‸ teh taˉ laˇ ve yoˬ. Ngaˬ ve dawˇ sha gaˇ sha ve teˇ ceuˬ ngaˬ nawˬ hui hta‸ pe‸ taˉ laˇ ve yoˬ. Miˬguiˬ yaˇ hui piˇ ve hkʼe ngaˬ nawˬ hui hta‸ pe‸ laˇ ve maˇ heˆ. Nawˬ hui ve nyi ma taˇ dawˇ haˍ gaˇ haˍ. Kawˆ ve nyi ma ka‸ taˇ cawˬ piˇ.

Yeˍsuˆ kʼoˆ ve, Ngaˬ lehˬ ya‸ kʼaw yoˬ. Hteˇ ve cawˇ ve teˇ ceuˬ ka‸, co ha te‸ ve teˇ ceuˬ ka‸ hpeh‸ ve yoˬ. Ngaˬ hta‸ maˇ cuˇ kʼo, chaw teˇ gʼaˇ ka‸ Awˬ pa geh gaˬ maˇ hpeh‸.

Nawˬ hui ve nyi ma taˇ dawˇ haˍ gaˇ haˍ. Gʼuiˬsha hta‸ yonˍ-o‸. Ngaˬ hta‸ htawˇ yonˍ-o‸.

Awˬ pa lehˬ, ngaˬ ve awˬ meh awˬ hkʼaw lo nawˬ hui hta‸ Ga piˇ shehˍ hpaˇ, da‸ ve kehˬ ve Awˬ ha hpu peu laˇ tuˬ yoˬ. Yawˇ lehˬ, nawˬ hui hta‸ teˇ ceuˬ le le maˍ laˇ leh, ngaˬ nawˬ hui hta‸ hkʼa kʼoˆ taˍ ve tawˇ hkawˇ hkʼa peu-eˬ nawˬ hui hta‸ kʼaw‸ dawˇ nawˇ laˇ tuˬ yoˬ.

Ngaˬ piˇ taˍ ve tawˇ hkawˇ hta‸ kaˇ leh te ve chaw lehˬ, ngaˬ hta‸ ha‸ ve chaw hpeh‸ ve yoˬ. Ngaˬ hta‸ ha‸ ve chaw teˇ gʼaˇ hta‸ ngaˬ Awˬ pa ha‸ tuˬ yoˬ. Ngaˬ htawˇ chaw oˇ ve hta‸ ha‸ leh, ngaˬ ve awˬ to yawˇ hta‸ hkʼa tawˍ lehˆ maw piˇ tuˬ yoˬ teh‸ kʼoˆ piˇ ve yoˬ.

Ngaˬ lehˬ, Awˬ pa hta‸ lawˬ leh, nawˬ hui geh hkʼaˬ htaˆ ka‸ chehˇ tuˬ, awˬ kaˍ awˬ nu Ga piˇ shehˍ hpaˇ teˇ gʼaˇ yawˇ nawˬ hui hta‸ pe‸ laˇ tuˬ yoˬ. Ga piˇ shehˍ hpaˇ oˇ ve lehˬ, hteˇ ve cawˇ ve Awˬ ha hpu hpeh‸ ve yoˬ. Miˬguiˬ yaˇ hui lehˬ, yawˇ hta‸ maˇ mawˬ maˇ shiˍ ve pa taw, yawˇ hta‸ ha‸ yuˬ maˇ hpeh‸. Nawˬ hui lehˬ yawˇ hta‸ shiˍ ve yoˬ. Awˬ lawn kʼo, yawˇ nawˬ hui geh chehˇ leh, nawˬ hui awˬ hkʼaw lo htawˇ yawˇ chehˇ tuˬ yoˬ.

Awˬ pa lehˬ Yaˇ hpu hta‸ pa taw awˬ me‸ awˬ hponˇ gʼa tuˬ, ngaˬ ve awˬ meh awˬ hkʼaw lo nawˬ hui hkʼa lawˬ ve teˇ hpaˍ hta‸ ngaˬ te tuˬ yoˬ. Ngaˬ ve awˬ meh awˬ hkʼaw lo nawˬ hui teˇ ceuˬ ceuˬ lawˬ ve kʼo, nawˬ hui lawˬ ve hkʼe ngaˬ te tuˬ yoˬ.

Nawˬ hui ngaˬ hta‸ ha‸ ve kʼo, ngaˬ piˇ taˍ ve tawˇ hkawˇ teˇ hpaˍ hta‸ nawˬ hui na yuˬ leh te tuˬ yoˬ.

Ngaˬ Awˬ pa ve yehˬ awˬ hkʼaw lo chehˇ kuiˬ cawˬ maˇ ve yoˬ. Chehˇ kuiˬ maˇ cawˬ ve hkʼe kʼo, maˇ cawˬ teh‸ ngaˬ nawˬ hui hta‸ hto taˍ laˇ tuˬ yoˬ. Ngaˬ kʼo‸-e leh, nawˬ hui awˬ pon chehˇ kuiˬ ca gu tuˬ yoˬ.

Ngaˬ kʼo‸-e leh nawˬ hui awˬ pon chehˇ kuiˬ ca gu taˉ peuˬ kʼo, ngaˬ ve chehˇ kui lo nawˬ hui htawˇ gʼa chehˇ tuˬ, ngaˬ teˇ pawˆ kʼaw‸ laˬ leh nawˬ hui hta‸ shiˍ kʼo‸-e tuˬ yoˬ.

Htoˉma‸ kʼoˆ ve, Jawˇmawˇ-oˬ, nawˬ hkʼaˬ lo kʼai tuˬ ve hta‸ ngaˬ hui maˇ shiˍ. Ya‸ kʼaw hta‸ ngaˬ hui hkʼaˬ hkʼe te shiˍ tuˬ le teh‸ yawˇ hta‸ kʼoˆ piˇ ve yoˬ.