Popular Bible Verses from Yoˇhanˬ li‸ 11

షేర్ చేయి

Yeˍsuˆ kʼaw‸ kʼoˆ ve, Ngaˬ lehˬ, kʼaw‸ te‸ tu la ve teˇ ceuˬ leh co ha te‸ ve teˇ ceuˬ hpeh‸ ve yoˬ. Ngaˬ hta‸ yonˍ ve chaw lehˬ, suh peuˬ ve htawˇ, yawˇ kʼaw‸ te‸ tu la tuˬ yoˬ. A sha‸ te‸ leh ngaˬ hta‸ hkʼa yonˍ ve chaw teˇ hpaˍ lehˬ, hkʼaˬ htaˆ ka‸ maˇ gʼa suh. Tawˇ hkawˇ chi hta‸ nawˬ yonˍ ve laˇ teh‸ yawˇ hta‸ kʼoˆ piˇ ve yoˬ.

Yeˍsuˆ kʼaw‸ kʼoˆ ve, Nawˬ yonˍ ve kʼo, Gʼuiˬsha ve awˬ me‸ awˬ hponˇ hta‸ nawˬ gʼa mawˬ tuˬ yoˬ teh‸ ngaˬ nawˬ hta‸ kʼoˆ laˇ peuˬ maˇ heˆ laˇ teh‸ yawˇ hta‸ kʼoˆ piˇ ve yoˬ.

Yeˍsuˆ lehˬ, mehˆ gʼuiˬ ya‸ la ve yoˬ.

Tawˇ oˇ ve hta‸ Yeˍsuˆ gʼa kaˇ htaˇ yawˇ kʼoˆ ve, Naˬ ve oˇ ve lehˬ, suh law‸ law‸ naˬ ve teˇ ceuˬ maˇ heˆ. Naˬ ve oˇ ve hta‸ pa taw Gʼuiˬsha ve awˬ me‸ awˬ hponˇ tawˆ la leh, oˇ ve awˬ hkʼaw lo Gʼuiˬsha ve Yaˇ hpu awˬ me‸ awˬ hponˇ tawˆ la tuˬ awˬ pon yoˬ teh‸ kʼoˆ ve yoˬ.

Yawˇ chi hkʼe kʼoˆ peuˬ hkʼaw‸ nawˉ, Laˍzaˍruˆ-oˬ, tawˆ la-o teh‸, yawˇ awˬ hkawˇ bvuhˬ chaweh kuˬ ve yoˬ. Oˇ htaˇ, suh peuˬ ve chaw oˇ ve lehˬ, tuˍ hpfuh awˬ hkʼaw lo tawˆ la ve yoˬ. Yawˇ ve hkui sheh la‸ sheh hta‸ hpa hawˆ taˍ leh, yawˇ ve mehˆ hpfuhˇ hta‸ hpaˉ ce‸ hpeh tsuh‸ taˍ ve yoˬ. Yeˍsuˆ kʼoˆ ve, Yawˇ hta‸ hpui hpehˇ piˇ-oˆ teh‸ yawˇ hui hta‸ kʼoˆ piˇ ve yoˬ.

Oˇ htaˇ, Yeˍsuˆ yawˇ ve nyi ma awˬ hkʼaw lo teˇ pawˆ kʼaw‸ hkʼanˇ leh tuˍ hpfuh lo gaˬ ve yoˬ. Tuˍ hpfuh oˇ ve lehˬ, haˉ kʼoˍ hpeh‸ leh, awˬ hkʼoˇ meuˇ lo haˉ pui shiˍ hoˆ taˍ ve yoˬ.

Yawˇ chi hkʼe kʼoˆ peuˬ hkʼaw‸ nawˉ teˇ pawˆ kʼaw‸ kʼoˆ ve, Ngaˬ hui ve awˬ chawˇ Laˍzaˍruˆ zuh‸ muiˉ kʼa peuˬ. Ya‸ hkʼaˇ, yawˇ hta‸ ca nawˍ piˇ tuˬ ngaˬ kʼai shaˍ teh‸, yawˇ hui hta‸ kʼoˆ piˇ ve yoˬ.