JEAN 14 నుండి ప్రసిద్ధ బైబిల్ శ్లోకాలు

షేర్ చేయి

«Mi ee ga̧a̧mɔ zu'nɛ́, mi ha̧a̧ ga̧a̧mɔ kɔ‘m h’ɛ́nɛ́; mi ha̧ ga̧a̧mɔ‘i h’ɛ́nɛ́, ɓɛɛ bó nɛ́ hee mɔ'ɔ nɛ̀ o bíí zaŋnu ha̧ nɛ̀ mɔ ha̧ o ŋmaa’ɛ ga na. K’ɛ́nɛ́ kpa ɗaŋsee na, ɓɛɛ ká kíì dé‘nɛ́ na mbɛt.

Jesu tɔ̧ɔ̧ ha̧ a̧: «Mi nɛ́ yuwar, mi nɛ́ kpasawen, mi nɛ́ duka-kpasa. Bíí yak sitɛ Dáà nɛ tɛ‘m ɓɛɛ.

«Ká see'nɛ́ ɗaŋ na! Ɛ̀nɛ̀ kɔ̧́ ɗɔaa há̧ Sɔ̧, ɓɛɛ ɛ̀nɛ̀ kɔ̧́ ɗɔaa ha̧‘m mbɛt.

Ɓɛɛ wi-ye-ɗoŋ‘nɛ́, Sa̧a̧ Ɔmi nɛ̀ Dáà tɛ tom tɛnɛ nɛ̀ nin-am, tɛ usi mɔ lɛŋ h’ɛ́nɛ́; a̧ tɛ mbaŋ tɛ‘nɛ́ zu mɔ lɛŋ n'am tɔ̧ɔ̧ h’ɛ́nɛ́.

«Wi nɛ̀ kasi o heembea kɔ‘m, mbo nɛ̀ zu sɛnɛ mbɛt, nɛ́ wi nɛ̀ kɔ̧a̧‘m; ɓɛɛ wi nɛ̀ kɔ̧a̧‘m, Dáà kɔ‘m tɛ kɔ̧ a̧, mi tɛ kɔ̧ a̧ mbɛt, ɓɛɛ mi tɛ usi tɛ‘m ha̧ a̧.»

Mi tɛ kɔfi Dáà, ɓɛɛ a̧ tɛ tom ŋma wi-ye-ɗoŋ‘nɛ́ nɛ̀ tɛ duk in'nɛ̀ɛ̀ ɓɔnsɛnɛ. A̧ nɛ́ Sa̧a̧ Ɔmi nɛ̀ tɛ usi kpasawen, nɛ̀ o bíí zaŋnu nyɛm mɛ kpa na, wen wa zɔk a̧ na, ɓɛɛ wa iŋ a̧ na mbɛt. K’ɛ́nɛ́, ɛ́nɛ́ iŋa a̧, wen a̧ duk in'nɛ̀ɛ́, ɓɛɛ a̧ duk tɛ‘nɛ́.

Ɓɛɛ mɔ lɛŋ n’ɛnɛ tɛ ak nɛ̀ nin-am, mi tɛ de wen ha'i mɛ zɔk gasamɔ ko Dáà wen zu Bem. K’ɛ̀nɛ̀ nɛ́ aka ŋma mɔ nɛ̀ nin-am, mi tɛ de ha'i mɛ zɔk gasamɔ ko Dáà.

«K’ɛ̀nɛ̀ nɛ́ kɔ̧a̧‘m, ɛ́nɛ́ tɛ kasi o heembea kɔ‘m.

Fara-duk ɔ dɔka kɔ̧́ tua ko Dáà kɔ‘m; kà bó só hegɔ na, bó nɛ́ mi tɛ̀ɛ́ tɔ̧ so'e mi tɛ nɛ mɛ ɗafi fara h’ɛ́nɛ́ na.

Ɓɛɛ ɗoŋ n'am ɗafa fara h’ɛ́nɛ́ kaɗi, mi tɛ pii ɗoŋ mɛ kai'nɛ́, wen h’ɛ́nɛ́ mɛ duk fara n'am tɛ duk sɛnɛ‘i.

Tomas tɔ̧ɔ̧ ha̧ a̧: «Gasa Wan, ɛ́ɛ́ iŋ fara n’ɛnɛ nɛ́ sɛnɛ‘i na; ɛ́ɛ́ tɛ iŋ yuwar hee ge?»