Luke 6 నుండి ప్రసిద్ధ బైబిల్ శ్లోకాలు

షేర్ చేయి

Ipani ndizo mowopiwabo. Tjilizanyo tjakalulwama, tjakatshambigwa tjikazunguziwa ngono tjitebukana, tjowobigwa pa makumbo awo.” Tjilizanyo tjamunolizanya nditjo mowolizanyigwabo nditjo.

Nthu wakalulwama unoshinga zwithu zwakalulwama zwimu moyo uwe ne nthu mbi unoshinga zwithu zwakabipa zwimu moyo uwe, ngobe tjinolebgwa nge nlomo uwe, nditjo tjaanatjo mu moyo uwe.

Koga idani zwita zwenyu, muzwishingile ndulamo, kakale mubaadzime musakagalabgwe kubuzigwa. Ipapo mbhayilo wenyu unowobe nkulu, mukabe bana be Upezhugwi zhugwi, ngobe wakalulwamila basingaboke ne babi.

Ibeni ne ngoni koga sa Tate benyu bana ngoni.”

“Musisumikilise, kuti ndizo musisumikilisiwe. Musitilike bamwe nlandu, ndizo amutowotilikwabo nlandu. Muzwiibhatigwe bamwe ndizo mowozwiibhatigwabo.

“Koga ndomubudza imwi banondihwa, idani zwita zwenyu, shingilani banomubenga ndulamo. Mukombolele banomulonga bhiso, mutembezelele banomubhata zwakabipa.

Itilani bamwe sekwa munoda bemuyitila.”

Ha nthu ekupkhwaula mu lushaya, umpe gumwe. Ha mmwe ekutolela jasi lilo usindzibile kutola ne hempe tjitjo. Ipa mmwe ne mmwe unokukumbila, ngono ha mmwe etola tjimwe tjitjo, usitjatjishake kuti atjikubgwilize.

“Akuna nti mbuya unozwala zwizwalo zwakabipa, kakale nti wakabipa autozwala zwizwalo zwibuya.

Nti mmwe ne mmwe unozibgwa nge zwizwalo zwawo. Bathu abatotjela phaya mu miti ye mihwa, kene zhambi mu matenjana e mihwa.