Popular Bible Verses from Johane 14

షేర్ చేయి

“Nginishiya nekuthula. Lokuthula lenginipha kona akufanani nesipho selive. Tinhlitiyo tenu tingabokhatsateka futsi tingesabi.

Jesu watsi kuye: “Mine ngiyindlela, neliciniso, nekuphila. Kute longeta kuBabe nakangeti ngami.

“Inhlitiyo yenu ingakhatsateki, kholwani nguNkulunkulu nikholwe nangimi.

Kepha uMeluleki, Moya Longcwele, Babe latamtfumela egameni lami, utanifundzisa konkhe, anikhumbute konkhe lenginitjele kona.

“Lowo lonemiyalo yami futsi ayigcine, nguye-ke longitsandzako. Lowo lotsandza mine uyawutsandvwa nguBabe, nami ngiyawumtsandza ngitibonakalise kuye.”

Ngiyawucela kuBabe kutsi aniphe lomunye uMdvudvuti kutsi abe kanye nani kuze kube phakadze, yena unguMoya weliciniso, live lelingeke limemukele, ngobe lingamboni futsi lingamati. Kodvwa nine niyamati, ngobe uhlala nani, futsi uyawuhlala kini.

Ngiyakwenta nome ngabe yini leniyicelako egameni lami, kuze inkhatimulo yaBabe ibonakaliswe eNdvodzaneni. Nanicela nome yini kimi egameni lami, ngiyawunentela yona.”

“Naningitsandza, nitawugcina imiyalo yami.

Ekhaya laBabe kunetindlu letinyenti; ngisaya kunilungisela indzawo. Ngabe anginitjeli loko kube akunjalo.

Nase ngiyile nganilungisela indzawo, ngiyawubuya nginilandze, nite kimi, kuze kutsi lapho ngikhona nibe khona nani.

Tomase watsi kuye: “Nkhosi, asati lapho uya khona. Indlela singayati njani?”