Lk 13 నుండి ప్రసిద్ధ బైబిల్ శ్లోకాలు

షేర్ చేయి

Kixye li Jesus reheb': “Cheyal eeq'e chi ok sa' li okeb'aal kach'in ru, xb'aan naq ninye eere naq naab'aleb' li te'yaloq raj ok ut ink'a' te'ruuq.

ut wank aran jun li ixq, ak waqxaqlaju chihab' rokik xyajel xb'aan jun li musiq'ej: k'utzk'u, tik ink'a' naru chi xtutz'ub'ankil rib'. Naq kiril a'an li Jesus, kixb'oq rik'in ut kixye re: —At ixq, k'irajenaq chik laayajel.

Kixk'e li ruq' sa' xb'een, ut sa' junpaat kixtiikob'resi rib' li ixq ut ki'ok chi xnimankil ru li Yos.

“Wan wankeb' chi ixb'ej: te'kanaaq chi uub'ej; ut wan wankeb' chi uub'ej: te'kanaaq chi ixb'ej”.

Naq taaxaqliiq chaq laj eechal kab'l ut toxtz'ap li okeb'aal, laa'ex li wanqex chirix kab'l teetikib' b'oqok sa' li okeb'aal: «Qaawa', te li kab'l chiqu», cha'qex. Ut a'an taachaq'oq chaq ut tixye eere: «Ink'a' ninnaw eeru b'ar chalenaqex».

Ninye eere naq ink'a'; ut wi ink'a' teeyot' eech'ool teejal eek'a'uxl, juntaq'eet naq tex'oso'q chejunilex”.

A'ut a'an tixye eere: «Ink'a' ninnaw b'ar xexchal chaq. Elenqex chiwu chejunilex aj b'aanuhom maa'usilal!».

Toja' naq kixye: “K'aru juntaq'eet wi' li xnimajwal awab'ejihom li Yos malaj k'aru tinjuntaq'eeta wi'? Chanchan jun t'orol li mostaas. Jun li winq kixokok re ut kiraw sa' xyanq li rawimq. Kik'iik, kiche'ok, ut eb' li xul li neke'rupupik chiru choxa ke'sukub'k sa'eb' li ruq'”.