Mateus 7 నుండి ప్రసిద్ధ బైబిల్ శ్లోకాలు

షేర్ చేయి

“Kumben̯i, mamu pewa; taendhen̯i, mamu mono; popithen̯i, mamu itavelwa.

Iya omuntu auhe nguma kumbu, ma pewa; nguma taendha, ma mono; nanguma popitha, ma itavelwa.

“Iya omuntu auhe nguma tee odhondaka dhandje hendhi, ye he dhi hwithile po, ma yelekwa nomulumentu omunadhondunge, ngwaa tungila ondjuwo ye yekuma koluwaa.

“Iya atjihe himamu hala ovantu ve mu ningile, nan̯e wo ngatjo mu ve ningila, mena lyokutya hehi otjo tji li oveta yaMoses nelongo lyovaprofeti.

Iya otjivelo otjinunu nondjila ndjaa thin̯a mai twala momwenyo, ovanunu vala mbamave i mono.

“Enden̯i mo, mu pitile potjivelo hitja thin̯a, mena lyokutya otjivelo otjinene, nondjila ndjaa handjuka mai twala mekeko, mbamava ende mo ovengi.

Iya n̯e mbamu li ovavi, andaa mu tji i okuyandja ovipuka oviwa kovanwen̯i, unene tuu Iho owomeulu ma yandja ouwa kovantu mbamave mu kumbu.

“Hámu koyo, nan̯e opo hámu koywa, mena lyokutya ekoyo ndimamu koyo, nan̯e olyo mamu ka koywa, himamu yeleke natjo, nan̯e otjo mamu ka yelekwa natjo.

“Iya omuntu auhe nguma tee odhondaka dhandje hendhi, ye ahame dhi hwithile po, ma yelekwa nomulumentu omuhima, ngwaa tungila ondjuwo ye yekuma moluheke.

Iya omena lyatji mo mono okatodhi hake li meho lyomukwen̯i, ove aho lwete omundangala mbuu li meho lyoye omwene? Ne omukwen̯i mo mu heele vi okutyaa: ‘Opomeya ndji ku toole okatodhi meho lyoye,’ iya nan̯i ove au na omundangala meho lyoye omwene.

“Lungamenen̯i ovaprofeti wovithithi, mboka mbave ya kun̯e movipa vyodhondhu, iya nan̯i mokati omaungu ngaa tunda. Iya mamu ve tangan̯ekele kovilinga vyawo. Odhombe dhi nyangwa komulodhi ne omakuyu a nyangwa komunkondo?

Iya omuti omuwa auhe u ma ovinyango oviwa, iya omuti omuvi u ma ovinyango ovivi.

Omuti omuwa kaau ulu okuma ovinyango ovivi, wo omuti omuvi kaau ulu okuma ovinyango oviwa.

Omuti auhe mbuhamau ma ovinyango oviwa, mau tetwa po, hau yumbwa momulilo.