ማርቆሳ ምሽራቹዋ 16 నుండి ప్రసిద్ధ బైబిల్ శ్లోకాలు

షేర్ చేయి

እ ኡንቱንታ ሀዋዳን ያጌዳ፤ “አላምያ ኡባ ቢደ፥ አሳ ኡባዉ ዎንጋላ ምሽራቹዋ ቃላ ኦድተ።

ታናን አማንያዋንቱ ሀ ማላታቱዋ ኦናዋንታ: ኡንቱንቱ ታ ሱንን ኢታ አያናቱዋ ከሳናዋንታ፤ ቃይ ኡንቱንቱ ዱማ ዱማ ኦራ ቃላን ሃሳያናዋንታ። ኡንቱንቱ ሾሻ ኦይቆፐካ፥ ዎይ አያነ ዎያ ማርዝያ ኡሽንቶካ ኡንቱንታ ቆሄና። ቃይ ኡንቱንቱ ባረንቱ ኩሽያ ሀርጋንቻቱዋ ቦላ ዎና፤ ሄ ሀርጋንቻቱ ፓጻና” ያጌዳ።

አማኖዌነ ጻማቀቶዌ አታና፤ ሽን አማነናዋ ቦላ ጾሳይ ፕርዳና።

አ ካልያዋንቱ ቢደ፥ ኡባ ሳን ዎንጋላ ምሽራቹዋ ኦዴድኖ። ጎዳይካ ኡንቱንቱና እትፐ ኦ፤ ኡንቱንቱ ኦድያ ቃላይካ ቱማ ግዴዳዋ ኡንቱንቱ ኦያ ማላታቱዋን ኤርሴዳ።

ሽን እ ኡንቱንታ፥ “ዳጋሞፕተ። ማስቃልያ ቦላ ካቀቴዳ ናዝሬትያ የሱሳ ህንተንቱ ኮይያዋ ኤራይ። እ ሀዋን ባዋ፤ ደንድ ድጌዳ። ኡንቱንቱ አ ዎዳሳ ሀዋ በእተ።

ኡንቱንቱ ጼልያ ዎደ፥ ሄ ዳሮ ዎልቃማ ሹቻ ጎንዶርስድጌዳዋ በኤድኖ። የሱስ ሞገቴዳ ጎንጎሉዋ ግዶ ገልያ ዎደ፥ እት ዎዳላ ብታኒ ቦ ማዩዋ ማዪደ፥ ኡሸቻ ባጋና ኡቴዳዋ በኢደ ዳጋሜድኖ።