Popular Bible Verses from मत्ती 7

షేర్ చేయి

अर यीशु न इन भि बोलि कि, “मांगा, त तुमतै दिये जालु, खुजैल्या त तुमतै जरुर मिललु, खखटैल्या त तुम खुणि खुलै जालु।

किलैकि जु कुई मंगदु च वेतैं मिलदु च, अर खुज्यान्दु च उ पौन्दु च, अर जु खखटान्दु च वे खुणि खुलै जान्दु।

“इलै जु कुई मेरा यों वचनों तैं सुणी के वेका मुताबिक चलदु, उ वे अकलमन्द मनखि का जन च जैन अपणु घौर पौड़ पर बणै।

इलै ध्यान रखा, जन तुम चन्द्‍यां कि लोग तुमरा दगड़ा मा अच्छु बरतौ कैरा, ठिक उन्‍नि तुम भि लोगु का दगड़ा मा अच्छु बरतौ कैरा। अर इन तुम इलै कैरा, किलैकि नियम-कानूनों अर रैबर्यों की शिक्षा या ही च।”

पर सदनि का जीवन की तरफा लि जाण वळु बाटु भौत संगडु च, अर वेकू द्‍वार भि भौत छुटो च अर भौत कम लोग छिन जौं तैं यू बाटु मिलदु।”

अर यीशु न भीड़ का लोगु तैं एक उदारण देके इन बोलि, “संगड़ा द्‍वार बटि जाणे की पूरि कोसिस कैरा, किलैकि विणास की तरफा लि जाण वळु बाटु भौत चौड़ु च, अर वेको द्‍वार भि भौत बड़ु च अर भौत सा लोग छिन जु की ये बाटा बटि भितर जाणा छिन।

अरे जब तुम बुरा ह्‍वेके भि अपणा बाल-बच्‍चों तैं अच्छी चीज देण जणद्‍यां, त स्वर्ग मा रौण वळु तुमरो पिता तुमरा मंगण पर तुमतै अच्छी चीज किलै नि द्‍यालु?

अर यीशु न भीड़ का लोगु कू इन भि बोलि कि, “एक-दुसरा पर इळजाम लगौण बन्द कैरा, ताकि तुम पर भि इळजाम नि लगये जौ। किलैकि जन तुम इळजाम लगौन्द्‍यां, उन्‍नि तुम पर भि इळजाम लगये जालु, अर जै नापळ तुम दुसरा लोगु खुणि नपद्‍यां, उन्‍नि तुमकु भि नपै जालु।

पर अगर जु कुई मेरा यों वचनों तैं सुणी के वेका मुताबिक नि चलदु, त उ वे मूरख मनखि का जन च जैन अपणु घौर बळा का मथि बणै।

“तू अपणा भै का आंखा मा पोड़्यूं तिण तैं किलै दिखणी, जब कि खुद तेरी आंख मा जांठु च। अरे, जब तेरा ही आंख मा जांठु च, त तू कनकै अपणा भै कू बोलि सकदी कि, ‘भैजी, ला मि तुमरि आंखा बटि तिण निकाळि द्‍यूं?’

अर यीशु न बोलि, “झूठ्‍ठा रैबर्यों बटि बचि के रा, किलैकि उ भेड़ों की तरौं सीदु बणि के तुमरा पास औन्दिन, पर असल मा ऊ भितर बटि एक खतरनाक भेड़िया का जन छिन। अर तुम ऊंतैं ऊंका कामों से पछ्याण दिल्या, किलैकि झिबलांण बटि कुई भि तिमला नि तोड़दु, अर ना ही कुई कांडों का झिबलांणो बटि अंगूर तोडदु।

अर ठिक उन्‍नि हरेक अच्छा डाळा पर अच्छा फल लगदिन, अर बुरा डाळा पर बुरा फल लगदिन।

अर ठिक इन्‍नि अच्छु डाळु कभि बुरा फल नि लै सकदु, अर ना ही बुरु डाळु अच्छा फल लै सकदु।

पर मि तुमतै बतै देन्दु, कि जै-जै डाळा पर अच्छा फल नि लगदिन, वेतैं काटी के आग मा डळै जान्दु।