लूका 9 నుండి ప్రసిద్ధ బైబిల్ శ్లోకాలు

షేర్ చేయి

पिछैं यीशुऐं उन सारैं थ कैहया, “अगर कोइ भी मेरै गैल्‍लै आणां चाहता है, तो अपणे-आप्पा का त्याग करी दै, अर रोज़ आपका क्रूस चाई मेरै गैल्‍लै होई लवै।

क्योंकि जो कोइ आपकी जान बचाणा चाहता है, वो उसकु खोइ दैग, अर जो कोइ मेरै वास्तै आपकी जान गवागड़ा, तो वो उसकु बचाई लैग।

यीशुऐं उसथै कैहया, “जो कोइ आपका हाथ हळा क उप्पर धरी गैल्‍लै मुड़ी देखता है, वो परमेश्वरा के राज्जा क लायक कोइन।”

अगर इन्सान पूरीया दुनिया कु हासील करी लै, अर आपकी जान गवाई दवै, या फैरी उसका दु:ख चावै, तो उसकु क्या फैदा?

जो कोइ मेरै थ, अर मेरीयैं बात्‍तैं थ शरम करगड़ा, तो इन्सान्‍ना का बेट्टा भी, जिद आपकिया, अर आपके बाप्पा किया अर पवित्र स्वर्गदुत्‍तैं किया महीमा सात्थी आउगड़ा, तो उसथै भी शरम करग।

यीशुऐं उसकु कैहया, “लोमड़ियैं के दर, अर अकाश्शा म उड़णैं आळे पंछिय्यैं के घोसले होत्‍ते हैं, पर इन्सान्‍ना के बेट्टे कु सिर ढकणैं कि भी जाघ्घा कोइन।”

अर उनथै कैहया, “जो कोइ मेरे नावाँ थ इस बच्‍चे कु अपणात्‍ता है, वो मिस्कु अपणात्‍ता है, अर जो कोइ मिस्कु अपणात्‍ता है, वो मेरे घलाणैं आळे कु अपणात्‍ता है, इसकरी थारै माहला जो सारैं थ ल्होड़ा है, वो ही बड़ा है।”