Иоанн 14 నుండి ప్రసిద్ధ బైబిల్ శ్లోకాలు

షేర్ చేయి

Седейоймамо кадан тенк, Монсень седейоймамом максса тенк: аволь истя максан тенк, кода масторлангось максы. Илязо талакале тынк седеенк ды илязо тандале.

Иисус мерсь тензэ: «Мон – ки, видечи ды эрямо. Кияк а сави Тетянтень лиякс, кода ансяк Монь вельде.

«Илязо талакале седеенк: кемеде Пазонтень, моненьгак кемеде.

Лездыцясь, Иневанькс Оймеялтось, конань Тетям кучсы Монь лемсэ, весемес тынк тонавттадызь. Сон ледстясы мелезэнк весементь, мезе Мон кортынь тенк.

Кинь улить Монь кармавтовкстнэ, ды кие сынст кирди, се Монь вечксамам. Кие Монь вечксамам, сень карми вечкемензэ Монь Тетям. Монгак карман вечкемензэ ды панжса тензэ Эсь прям».

Мон энялдан Тетянть икеле, ды Сон максы тенк лия Лездыця, кона карми улеме тынк марто пингеде пингес. Те – видечинь Оймеялтось, кона масторлангонь ламот ломантненень а саеви, эдь сынь а несызь Сонзэ, ды а содасызьгак. Тынь вана содасынк Сонзэ, эдь Сон тынк марто ды эйсэнк улияк.

Бути мезе вештядо Тетянть пельде Монь лемсэ, сень тейса: теньсэ невтеви Тетянть инексчизэ Цёранть вельде. Бути мезе вештядо Монь лемсэ, Мон сень тейса».

«Бути вечксамизь Монь, сестэ карматадо кирдеме Монь кармавтовкстнэнь.

Монь Тетянь кудосо эрямо таркатнеде ламо. Улевельгак а истя, Монь ёвтавлинь тенк: Мон молян тенк таркань анокстамо.

Кода молян, анокстаса тенк тарканть, сестэ таго сан ды сайтядызь Эстень. Косо Мон, тыненккак тосо улема.

Фома мерсь Тензэ: «Азоро, а содатано, ков молят. Кода эно тенек содави тов кись?»