Madiu 26 నుండి ప్రసిద్ధ బైబిల్ శ్లోకాలు

షేర్ చేయి

Nimi landala eimi ma-lopapana yainyanu waru puma andere-alepape. Nimina konemere ora epe aunu pape eina raname komeapare nimi go au pape eina puri menda na-wimi, lisaya.

Gupuma nimu para lalore, Na lo para kenda ora andaai pia lisaya. Go peale lee opoma ni rapu andere-aminya.

Nipumi ongesinda mo parele puma lee angaa ambala andainyao suna lopoma yainya pulu ara lalore, Na Apao lisaya. Ana piliandare gore go rendaa pane mupa. Go eiri na rana pi ei diapare nena rana pi ei komea raliape lisaya.

Gore na wee ipa lisaya. Godeme nimi rapu angele go lo kora widanda. Go weeme wenaali andapuna koae einu randepealia lisaya.

Mo enda nala pirinyaloma Yesumi mo palawa kiri muma Gode para ranae lisaya. Nipumi polo polo puma nipuna kou nane rali alinu para ale ale puma lalore, Nalepa lisaya. Gore na do mindi ae lisaya.

Gupuma kapo menda waini ipame ma-rumbiaoma muma Gode para ranae loma nimu para ale ale puma lalore, Nimi raayo nalepa lisaya.

Gupuma monde ali repo para wala lekeya paisayapare u palina loma pua anda suma nipumi Pida para lalore, Go onge naarelesina komea ni rapu na-reka ariminale akepea pamepae lisaya.

Nimi para la gialo, neme go waini ipa wala na-nola. Wala ne auri nimi rapu piri na Apana Ki Rambuao-aya Ei nane piri komea wala nelema lisaya.

Go gole Pidame monde Yesumi lisaya angele kone wisaya. Kokola ambe na-reke-ainyaloma neeme rana repo ni rapu na-pamuaripi dee lisaya. Go au ora pisayanda Pidame kama puma ree ora waru andaai pua lisaya.

Rekoma ambe balepa. Monde ni romboma yanda runguli alinu ma-adapea ali mandamina balepae lisaya.

Gupuma Yesumi nipu para lalore, Nena rai mo nipuna meae para wala sia lisaya. Akepeare rendaa pi eimiri ora rendaa pi yanda kama sembe sia pidia.