मरकुस 13 నుండి ప్రసిద్ధ బైబిల్ శ్లోకాలు

షేర్ చేయి

तोहरेमन मोर उपरे बिसवास कराला से लगिन आदमीमन तोहरेमन से नफरत करबैं, मगर जे आदमीमन दुःख तकलीफ केर आखरी बेरा तक मोर उपरे भरसा करबैं आउर हार नी मानबैं, उमन के परमेश्‍वर बचाय लेवी।

देखा, जागते रहा आउर प्रार्थना करते रहा, काले कि तोहरेमन नी जानाला कि इ बुरा दिन कहिया आवी।

जब तोहरेमन बंदी बनाल जबा आउर तोहरेमन केर उपरे मुकद्दमा चली, तो आगे से इ चिंता ना करबा कि तोहरेमन के हूवाँ का कहेक अहे, जे कुछ हूवाँ कहेक होवी सेहे बेरा परमेश्‍वर तोहरेमन के बताई। काले कि कहेक वाला तोहरेमन ना लगा, मगर पवितर आत्मा तोहरेमन में से होई के उमन से गोठियाई।

आकाश आउर धरती नाश होई जाई, मगर मोर कहल सोउब गोइठ सोउब दिन लगिन बनल रही।

इ सोउब गोइठ कहिया आउर कोन बेरा पूरा होवी इकर बारे में केऊ हों नी जानैना, ना स्वरग केर दूतमन आउर ना मोंय परमेश्‍वर केर बेटा। मगर उ दिन आउर उ बेरा केर बारे में आबा हें जानेला।

आउर जब तोहरेमन लड़ाईमन आउर लड़ाईमन केर गोइठमन के सुनबा तो ना घबराबा, काले कि इमन केर होवेक जरुरी अहे, मगर उ समय दुनिया केर अंत नी होवी।

सेले जागते रहा, काले कि तोहरेमन नी जानाला कि मोंय घर केर मालिक कोन बेरा आमूँ, साँझ के या आधा राइत के, या मुरगा बोलेक बेरा या बिहान बेरा। एइसन ना होवोक कि मोंय अचका आय जामूँ आउर तोहरेमन के सुतल पामूँ। जे गोइठ मोंय तोहरेमन के कहाथों ओहे गोइठ मोंय सोउब से कहाथों, मोर घूइर आवेक तक तेयार रहा।”

काले कि एक जाइत केर आदमीमन दोसर जाइत केर उपरे हमला करबैं आउर एक देस केर आदमीमन दोसर देस केर आदमीमन से लड़बैं आउर जहाँ-तहाँ भूंईडोल होवी आउर अकाल होवी, इ सोउब घटना भयानक दुःखमन केर शुरुवात हें में होवी।

लेकिन दुनिया केर अंत होवेक से आगे इ जरुरी अहे कि दुनिया केर सोउब देस केर आदमीमन के शुभ समाचार सुनाल जाओक।

ढेइर आदमीमन मोर नाँव से आबैं आउर कहबैं, ‘मोंय मसीह हेकों!’ आउर ढेइर आदमीमन के बहकाय देबैं।

मगर तोहरेमन खुद चौकस रहबा, आदमीमन तोहरेमन के बंदी बनाय के महासभामन में जिम्मा देबैं आउर तोहरेमन के यहूदी मनक प्रार्थना घरमन में पिटबैं, काले कि तोहरेमन मोर चेला हेका। तोहरेमन के अधिकारी आउर राजामन केर आगे ठड़ुवाल जाएक ले मजबूर कराल जाई, ताकि उमन तोहरेमन केर न्याय करबैं, जेकर चलते तोहरेमन उमन के मोर बारे में शुभ समाचार सुनाएक पारबा।

काले कि झूठा मसीह आउर झूठा परमेश्‍वर केर संदेश के बताएक वालामन उइठ खड़ा होबैं, उमन चिन्हा आउर चमत्कार केर काममन के देखाबैं आउर होई सके तो उमन चुनलमन के हों बहकाय देबैं।

जब इ दुःख तकलीफ केर बेरा बीत जाई, तब ‘बेइर अंधार होई जाई आउर चाँद इंजोत नी देवी। आउर आकाश से तइरगनमन गिरेक लगबैं, आउर आकाश केर शक्तिमन के हिलाल जाई।’