မဿဲ 26 నుండి ప్రసిద్ధ బైబిల్ శ్లోకాలు

షేర్ చేయి

အပြစ်သွေးဆောင်ခြင်းမာ မကျရအောင် မအိပ်ဘိုင်းန ဆုတောင်းနီကတ်။ စိတ်က ချင်ကေလည်း ကိုယ်ခန္ဓာစာ အားနည်းရေ။”

အရာ ယေရှုစာ သူရို့ကို ပြောလီရေ၊ “ငါ့မာ စိတ်ဒုက္ခ ရောက်ရို့ ငါ သီဖို့စာပိုင် တွိနီဗျာ။ နင်ရို့ ငါနအတူ ဒေ နေရာမာ မအိပ်ဘိုင်းန စောင့်နီကတ်။”

ယင်းခါ သူစာ တစ်ဖဲ့အဝီးတို့ ကြွပြီးကေ မြေပြင်မာ အပြားဝပ်ရို့ ဆုတောင်းလီရေ၊ “အိုး အကျွန့် အဖ၊ ဖြစ်နိုင်ရေဆိုကေ အကျွန် ခံရဖို့စာ ဒုက္ခ-ဝေဒနာကို ပျောက်ကင်းစီပါ။ ယေကေလည်း အကျွန့် အလိုအတိုင်း မဟုတ်ပါ၊ ကိုယ်တော်၏ အလိုတော်အတိုင်း ဖြစ်ပါစီ။”

အကြောင်းကား ဒေ စပျစ်ရည်စာ ငါ့သွီး ဖြစ်တေ။ လူအများကြီး အပြစ် ခွင့်ရွှတ်ခြင်းကို ရပတ်စီအတွက် ငါ့မာ ဒေ သွီးကို သွန်းလောင်းပီးဖို့။ လူရို့အတွက် ငါ့မာ ဒေ သွီးန ထာဝရဘုရား၏ စာချုပ်အသစ်ကို ထိုးရေ။

သူရို့ စားသောက်ကတ်တေခါ ယေရှုစာ ပေါင်မုန့်ကို ယူရို့ ထာဝရဘုရားကို ကျေးဇူးတင်လီရေ။ ယင်းနောက် သူစာ ထိုပေါင်မုန့်ကို ဖဲ့ပြီးကေ တပည့်ရို့ကို ပီးရို့ ပြောလီရေ၊ “ယော၊ စားကတ်၊ ဒေ ပေါင်မုန့်စာ ငါ့အသား ဖြစ်တေ။”

ယင်းနောက် သူစာ စပျစ်ရည် ခွက်ကို ယူရို့ ထာဝရဘုရားကို ကျေးဇူးတင်လီရေ အရာ ယင်းစပျစ်ရည် ခွက်ကို တပည့်ရို့ကို ပီးရို့ ပြောလီရေ၊ “ဒေ စပျစ်ရည်ကို နင်ရို့ အားကုံးသူ သောက်ကတ်၊

ယင်းနောက် သူစာ တပည့်ရို့တို့ ပြန်လာရေခါ သူရို့ အိပ်မောကျရို့ ဟိကတ်စာကို မြင်လီရေ။ အရာ သူစာ ပေတရုကို ပြောလီရေ၊ “အား ဇာလည်းသျှင့်! နင်ရို့ ငါနအတူ တစ်နာရီပင် အနိုးမနီနိုင်ကတ်ကား!

ငါ နင်ရို့ကို ပြောရေ၊ ဒေဂုကပင်စရို့ ငါ့အဖ၏ နိုင်ငံတော်မာ ငါ နင်ရို့နအတူ ထိုင်ရို့ စပျစ်ရည်အသစ်ကို မသောက်သကြား ငါ အရာ တစ်ခါလည်း စပျစ်ရည် မသောက်ပျာ။”

ယင်းခါ ပေတရုစာ ယေရှု ပြောစာစကားကို တွက်ရလီရေ။ ယင်းအယင်က ယေရှုစာ သူ့ကို ပြောလီရေ၊ “ကြက်မတွန်ခင်အယင်က နင် ငါ့ကို မသိ ဟို့ သုံးခေါက်တိုင်အောင် ငြင်းလိမည်။” ယင်းခါ သူစာ ပြင်တို့ ထွက်လားခပြီးကေ ကောင်းကောင်း ဝမ်းနည်းရို့ ငိုလီရေ။

ထ၊ ငါရို့ လားကတ်မည်။ ကြည့်! ငါ့ကို ရန်သူရို့အလက်မာ ဖမ်းပီးဖို့သူ ရောက်နီဗျာ။”

ယင်းခါ ယေရှုစာ သူ့ကို ပြောလီရေ၊ “နင့် ဒါးရှည်ကို ဒါးအိပ်မာ ထိုးထား။ ဒါးရှည်ကို ကိုင်သူရို့စာ ဒါးရှည်န အခွတ်ခံရို့ သီရရေ။