Lǔka 17 నుండి ప్రసిద్ధ బైబిల్ శ్లోకాలు

షేర్ చేయి

Htodě Yeshǔ hî̌ a kû̌, “Ihtǒ cû̌mò̌, na ta̤yṳ̌ta̤nǎ̤ ma̤hǎmǎkè bǎ na ta̤sha hǒ.”

Tôni̤ akû, a kè̌ ma̤sǔ na susô̌taplǎ hî̌dě, a kè̌ hè hto hè sô̌ dǒ na ô̌ susô̌taplǎ dě a kè̌ hè hî̌ kû̌, ‘he yò̤lǎ̤plǎdî̌ sô̌ hesǎphlǒ hǒ’ kè̌hî̌dě, na bǎ plûkè lû̌û ta̤sǔ.”

Dǒ asî akla tôpwa̤nu, a kè̌shǐlò̤ anǎ̤ kû̌ Yeshǔ ma̤hǎmǎkè bǎ yǎ akhû̌akhî, a getîkhî dě kaǎgǔ htû̌sò̌htò̌ Cǒmara. Htodě a dô̌gînî̤ cabalò̤ dǒ Yeshǔ khò̌lôpô̤̌ kòshî̌ dě a hî̌bwǐhî̌sîrîhtò̌ lû̌û. A mî̌ shamarǐphû̌ tôpwa̤.

Ô̌sèrè̌ lô̌khô sînǎ̤ nî̌꤮. “Sî pṳ̌wè̤̌ dǒ a yṳ̌ǎ Yeshǔ tôpwa̤ kè̌ ma̤ta̤sǔ hî̌dě, bǎ sû̌ǐtòwòǐ yǎ. A kè̌ yò̤lǎ̤plǎdî̌ getîkhî sô̌ asǎphlǒ hî̌dě plûkè a ta̤sǔ nî̌꤮.

Dě Yeshǔ hî̌ lû̌û kû̌, “Kòyò dǒ he ma̤hǎmǎ bǎ asî tokhlǒ numî̌ a ô̌ pwa̤shǐ hî̌ta! lǐ̤sô̌tôpwa̤ pe lè꤮ a ô̌ bǎtè?

Dě Běcǎ hî̌shěshu asî kû̌, “Sî ta̤yṳ̌ kè̌ ô̌ tǐ꤮ saplǎphlǒ tôphlǒ nupwǎ bǎbǎ sî kè̌ hî̌ sǒmṳ̌dû̌ hǒtômṳ̌ kû̌, yò̌htò̌ nakhò̌wǐ̤nu, dě cû̌shǒlò̤ nanǎ̤ dǒ shidû̌shite̤we̤ akûnu, sî kè̌ hî̌ a nu, a glè̌ jûǎ sîyô̤̌ pě.

Ma̤titè̌hî̌dě kòyò dǒ a sǎyṳ ma̤hǎplǎge tûû̌ a ta̤htûpwa̤ tôpwa̤pwa̤nu, a ta̤htûpwa̤ glè̌ hǎmǎkè pě. Bǎbǎkǎlè kòyò dǒ a ǐlò̤kè a ta̤htûpwa̤ dǒ hekhû̌hekhî tôpwa̤pwa̤nu, a glè̌ nǐ̤bǎ ta̤htûpwa̤ tûjû̌pwa̤ talakhǎ pě.

Yeshǔ hî̌ akhôphijǎ tokhlǒ kû̌, “Ta̤lô̌ǎplò̤ǎ kòyò tokhlǒ a bǎ ô̌htò̌nò pě ma̤hî̌nudě kòyò dǒ a ma̤ htûhtò̌ ta̤lô̌ǎplò̤ǎ tôpwa̤pwa̤ nî̌, a bǎ khòbǎ mè̤̌mî̌ca ta̤jî̌ta̤jû̌ pě. Kòyò dǒ a noma̤ ta̤sǔ dǒ phijǎ akla tôpwa̤pwa̤ nu, kò kè̌ comě lǒ̤dû̌ dǒ a gôbôlô̤ dě tě̤lò̤tě̤kè a dǒ shidû̌shite̤we̤kû numî̌ awô̌khlo bǎ lû̌û ya.

“Kòyòphû̌khû mî̌ he glè̌ hèpě akhanu, a glè̌ htûhtò̌ sô̌sô̌kû̌ pô̤̌ Phanṳ̂̌a htukha nu pě. Bǎnukha kòyò tokhlǒ ǎô lô̌khô, nǐ̤phû̌nǐ̤ma lô̌khô tǒ̤dǒ bǎ Phanṳ̂̌a nṳ̌ dǒ sǒkhlidû̌kû nutini̤ pě. Dě shidû̌htò̌ sikèbò kòyò ô̌kè dǒ akhlo nutokhlǒ.