John 16 నుండి ప్రసిద్ధ బైబిల్ శ్లోకాలు

షేర్ చేయి

Kigwan ko jay cha si-kayo say gwared si-kayoy talna kagol na ingkayka-chom jod si-kak. Chiya dobong, medigathan kayo. Nem pekedsang joy nemnem jo tep igwak koy ngaaw a ijed ja dobong.”

Nem sema Ispirito Santon naengipaamta na podno, no onmothok ali, itorong toy nemnem jo say amtaan jon emiin i podno. Tep sema nakigwan to, nat naedafod nemnem ton mismo, no diket sema inki-ngelan ton kigwan Afo Chiyos. Tan konen to ngod si-kayo i mepesamak no sa-ki din akow.

Ingkathod niman nagwariy inbaga yod si-katho kagol na ingkayka-chom jod si-kak. Nem niman panbaga kayod Afo Chiyos et may-i-kanan kayo say nagwariy kolang na chadsak jo.”

Nem angken kaengos kayo, konen kod si-kayoy podnon para cha panmaptengan jo no onbetihak. Tep no ekak onbetik, sema Ispirito Santon menolong cha si-kayo, nat onkowan ali. Nem no onbetihak, ito-nok alid si-kayo. No onkowan aliy Ispirito Santo, paneknekan tod tood ja dobong i afil i nemnem cha maypangkep na basol. Paneknekan to ngoy afil i nemnem cha na kinachonong ko tan pengowis Afo Chiyos na too.

Inges tod si-kayo tep kaengos kayo niman. Nem no engkay metaen tahejo mowan, et banay aliy chadsak jo. Et nagwariy mahaekal nithan a chadsak jo. “No onmothok i timpon mansisini-neng kiya mowan, nagwariy ibaga yod si-kak tep egwathan jo wa. Sejay a konen kod si-kayo, podnon no gwariy ibaga yod Awak, i-kan tod si-kayo kagol na ingkayka-chom jod si-kak.

Sejay a konen kod si-kayo, podnon chanchanin onmothok i timpon on-engos tan onnangis kayo iy onchadsak iriy toon nat naematid si-kak. On-engos kayon chili, nem sema engos jo, manbalin na chadsak.