Popular Bible Verses from Génesis 9

షేర్ చేయి

Soc la yal te Diose: Hich ay te seña yu'un te chapbil-c'op te ma xlaj sc'oblal te ya cac' ta jtojol soc ta atojolic soc spisil bintic cuxajtic: Cac'oj ta tocal te xojob cu'un, ha seña ya xc'oht yu'un te jc'op la jchap soc te bahlumilale.

C'alal ya xchicnaj te xojob ta yohlil te tocal, ya me quil soc ya me jna' te chapbil-c'op te ma xlaj sc'oblal ta stojol Dios soc ta stojol spisil bintic cuxajtic ta bahlumilal, xchi.

Te mach'a ya smalbe sch'ich'el winic, winic nix ya xmalbot sch'ich'el yu'un; como pajal yilel soc Dios la yich' pasel te winique.

Dios la ya'be bendición te Noé soc te snich'nab, hich la yalbe: Sitinan, p'ohla abahic, nojesahic te q'uinale.

Ya xhu' yac awe'ic spisil bintic cuxul soc te ya xbehenic, hich te bin ut'il te itaj soc te yaxal ha'mal. La jca'beyexix spisil.

Ya me xnihquic soc ya me xiwic ta atojolic spisil chambahlametic ayic ta q'uinal, spisil mutetic ayic ta sjamalil ch'ulchan, spisil bintic ya xbehenic ta lumq'uinal, soc spisil te chayetic ayic ta mar; ay ta ac'abic.

Te ha'exe sitinan soc p'ohla abahic, al-nich'anajanic, nojesahic te bahlumilal, xchi te Diose.