Popular Bible Verses from Génesis 12

షేర్ చేయి

Min rëbúnki kamabëtan kana achúshi ëma chaiira ꞌanuxun ꞌain; ꞌanan kana upíokin sinánxunti ꞌain, usakin ꞌaia iskin ka bëtsi unikaman a unikamax ka sinánñuira ꞌianan kushiirabu ꞌikë kiax kiti ꞌikën, mi kupín kana kamabi menu ꞌikë unikama upitax bukunun upíokin sinánxunti ꞌain. Uin kara mi upíokin ꞌakinia aribi kana ꞌën upíokin sinánxunti ꞌain, ꞌimainun kana uin kara mi ꞌatima oia aribi ꞌënribi ꞌatima oti ꞌain; mi kupí kana kamabi menu ꞌikë unikama upíokin sinánxunti ꞌain.

Usa ꞌain ka Nukën ꞌIbun achúshi nëtë ꞌikëbëtan Abram kakëxa: min menuax ka kuantan, min aintsikama ëbiani kamina ënë menuax kuanti ꞌain, bëtsi menu kamina kuanti ꞌain, ꞌën mi ismimainun.

Ësokian kakëx ka Abram Nukën ꞌIbun kakësabi oi Harán kakë me anuax kuankëxa. Setenta ꞌimainun cinco baritiañu ꞌaish ka anuax chikíakëxa Canaán kakë me anu kuani.

A menuax ami mërakin ka Nukën ꞌIbun Abram kakëxa: Ënë me kana min rëbúnkikama ꞌinánti ꞌain. Usakian kakëxun ka Abramnën achúshi anuxun Nukën ꞌIbu asábi ka kixun kati maxax bukunrukin ꞌakëxa, anuaxa ami mërakë kupí.