Lukas 6 నుండి ప్రసిద్ధ బైబిల్ శ్లోకాలు

షేర్ చేయి

Bo da, bo ta dadu. E ta kambia bos na panu midida incidu, kalkadu, sakudidu, tok i na darma, pabia ku mesmu midida ku bo midi, el ku bo na torna mididu ku el.”

Omi bon ta tira bon kusas na bon rikesa di si korson. Omi mau ta tira mau kusas di mal ku junta dentru di si korson. Boka ta fala di kil ku darma na si korson.

Bo ama bo inimigus, bo fasi ben, bo pista; ka bo pera pagamentu; asin bo ta bin risibi garandi premiu; bo ta sedu fijus di Deus ku sta riba di tudu, pabia el i bon pa kilis ku ingratu i mau.

Bo sinti pena di jinti, suma ku bo Pape ta ten pena.

“Ka bo julga, bo ka ta julgadu. Ka bo kondena, bo ka ta kondenadu. Bo purda, bo ta purdadu.

“N fala bos ku na obi: Bo ama bo inimigus; bo fasi ben pa kilis ku nfastia bos; bo pidi ben pa kilis ku na pidi mal pa bos; bo ora pa kilis ku na trata bos mal.

Bo fasi utru jinti suma ku bo misti pa e fasi bos.

Si algin dau na un ladu di rostu, paral ki utru ladu; kin ku tirau kasaku, ka bu tujil tambi kamisa. Pati tudu kil ku pidiu. Si algin toma kil ki di bo, ka bu torna pidil el mas.

“I ka ten nin un po bon ku ta da fruta ku ka bali, nin un po ku ka bali ku ta da bon fruta

pabia kada po ta kunsidu pa si propi fruta. Bu ka ta kuji figu na pe di spiñu, nin uva na pe di spiñu pretu.