Lukas 3 నుండి ప్రసిద్ధ బైబిల్ శ్లోకాలు

షేర్ చేయి

Oca ku tudu jinti batisadu, Jesus batisadu tambi. Oca i na ora, seu yabri, Spiritu Santu ria riba del na forma di kurpu di pumba. Un algin papia na seu, i fala: “Abo i ña Fiju ku N kiri ciu. N ten garandi kontentamentu na bo.”

Jon ruspundi i fala elis tudu: “Na bardadi ami N na batisa bos ku yagu, ma i na bin kil ki mas mi puder, ku N ka mersi dismanca si korda di sapatu. El i na batisa bos ku Spiritu Santu ku fugu.

Bo mostra na bo manera di yanda kuma na bardadi bo ripindi. Ka bo kumsa na fala na bo sintidu kuma Abraon i bo pape, pabia N na fala bos kuma, te de pedra propi, Deus pudi lantanda fijus pa Abraon.

Mancadu pudu ja na rais di pos. Tudu po ku ka da bon fruta, i na kortadu, i botadu na fugu.”

I kontisi suma ki sta skritu na libru di palabra di anunsiadur Isaias ku fala: “Algin na grita na lala: ‘Bo kumpu kamiñu pa Siñor; bo ndirital strada. Tudu kobon na incisidu; tudu monti, garandi ku pikininu, na justandadu; strada ku jingi na filantadu; kamiñus mau na niveladu; jinti di tudu mundu na oja salbason di Deus.’ ”