Exodo 4 నుండి ప్రసిద్ధ బైబిల్ శ్లోకాలు

షేర్ చేయి

Niptinmi TAYTA DIOS nin: “¿Mayantá nunacta shimicta limananpä, linlicta uyalinanpä, ñawicta licananpä uycun? ¿Manachun yaꞌa quiquí TAYTA DIOS uycüca cayá? Chayurá canan wayra liy. Yaꞌamari amwan caśhä; imacta limanayquipäpis quiquïmi yaćhaycachishayqui” nil.

Niptinmi Moises: “TAYTA DIOSLLAY, limaypá manam allinchu callá. Unaypïpis mana limacü nunam callá. Cay limaśhayqui uywayniqui pasaypi upa, aclluśh shimiyümi callá” nin.

Niptinmi TAYTA DIOS piñacülul: “¡Levita wawꞌi-caśhayqui Aaronta manachun lisí imamá! Payꞌa limaypa ishpisha-ishpishamá. Ćhasquïniqui śhayämunñam, amta licälul cushicunꞌaćh.