Popular Bible Verses from Matayo 7

షేర్ చేయి

Musabe, mukuhabwa; muhige, mukubona; mukinguze, mukukingulirwa.

Kuba buli akusaba, akuhabwa; akuhiga, akubona; akukinguza, akukingulirwa.

Buli muntu wena akuhulira amagambo gange ganu, akagahicha, akususana n’omuntu w’obwenge ayayombekire enzu ye h’ebale.

Mbe, byona ebyo mukwenda abantu babagire, n’emwe mubagirire, kuba ebyo nibyo bilagiro n’abalagi.

Omulyango gufunzire n’omuhanda gukehire guta si, ogusagara mu buzima! kai abakugurabamo ni bake.

Murabe mu mulyango gufunzire, kuba omulyango mugazi n’omuhanda gugazihire nizo zikusagara mu lufu, kai abakugurabamo nibo bengi.

Mbe imwe abali babi, mukumanya kuha abana banu ebizima, kai kuta ebizima ebyo Iso wanu ali mw’igulu aligabira abakumusaba!

Mutalamulaga, n’emwe mutalilamurwa. Kuba mu bulamuzi obwo mukulamuliramo, nimwo n’emwe mulilamulirwa, na mu lulengo olwo imwe mukulengeramo, nimwo n’emwe mulilengerwa.

Kai buli muntu akuhulira ebigambo byange, nawe akabula kubihicha, akususana n’omuntu musiru ayayombekire enzu ye ha museni.

Okulorera ki olumambo mu liso ly’owezanu, kai otakubona omugamba mu liso lyawe? Hamo okugambira ki owezanu oti: Leka nkwihemo olumambo mu liso lyawe, kunu omugamba guli mu liso lwawe?

Nimwekenge ha balagi b’endimi, abakubezaho n’empu z’enabalega, nawe mu nda bali misege miruruhe. Mulibamanyira ha byo bakuraba. Si bakutongora emizabibu ha mahwa, hamo emitini ha masugu?

Nikwo, bul’iti izima likuraba ebirabo bizima, nawe iti ibi likuraba ebirabo bibi.

Iti izima tilikuhicha kuraba ebirabo bibi, kai iti ibi tilikuraba ebirabo bizima.

Bul’iti elitakuraba ebirabo bizima, balilitema balinage mu muliro.