Jenesis 37 నుండి ప్రసిద్ధ బైబిల్ శ్లోకాలు

షేర్ చేయి

Kaisei fata mae Josep ne mifi. Kate toutonu ni mana eigna u mifi igne ka mare na, mare ne thofno diꞌatadi fara ngala ka mana.

Aonu mae Jekop ne namhani fara mae Josep ke tulaodi keha thugna re, naugna mae Josep gne neke karha ka vido tela kuekuꞌehi mana na. Eghuteuna mana ne hohoro kaisei fagano phoko te brahu khamegna re ne tusu lao ka mae Josep.

Hatimare mae thabusigna mana igre ne filoni mae kmadi na te namhani fara mae Josep ke tulaodi marei na ne diꞌatadi fara ka mana.

Ke leghugna igne mae Josep neke fapea mifi. Mana ne jaola neke toutonu ka mae ke biꞌogna re eigna u mifi igne. Mana ne cheke eghu ka mare, “Iara neke filoni keha mifi na neke thakle mei ka iara, eghuteuna gognaro na naprai ghe glaba nei nabotho kaisei nathunu teure ne pogho soru ke ulugu iara.”

Hatimare mae thabusigna thegna mae Josep gre ne goghotu fara ka mana. Nu mae kmagna na ne ghaoghatho ne brahu fara ka gaoghathogna nogna mifi mae Josep na.

Mae Josep ne cheke eghu ka mare, “Fanomho ghotilo ia ka nogu mifi iara gne. Kate au teu tahati ka nagare na tahati ne haru fodu wit re, eghuteuna u phala teke haru iara na ne kegra haghe ne kegra fadoglo. Eghuteuna nomi phala ghotilo te kegra faligohoni nogu phala iara na ne kafe pogho soru pha'udire pari ka nogu phala iara na.”

Mei ghotilo, mala falelehe nodani mae igne mala koko lao nodani thinigna mae tuana ka kaisei khora ka igre eghu. Ke leghu na tahati ginauna na cheke eghu ka mae mama, ‘Kaisei bosu mhata ne ghamuni mana.’ Aonu tahati na laseni ne faꞌunha teuna ka nogna mifi mana igne.”

Ka vido te eni teu mare cheke igne, keha maedi Midian ne mei ne filoni mae Josep ka khora na. Hatimare ne mei korho fajiflani mae Josep ka khora na ne snakre lao ni mana ka hatimare mae vikegna mae Ismael mala foli mare mala nodi mae gloku. Mare ne folini mae Josep ka maedi Midian gre. Varadaki silva ne hatani mana ne tei Ijep.

Hatimare ne cheke eghu fari thedi, “Igne tela mei mae te mala mifi ia!

Hatimare ne filo khaba laoni mae Josep. Ame mei posa nga mana teuna, mare ne roghe nodi te mala faleheni mana na.

Tahati theome tangomana te goigoni ni u nakarhagna mae thabusida na ka namono nagou igne. Nu tahati na koko soruni kolho mana ka khora igne.”