Popular Bible Verses from Yuhana 11

షేర్ చేయి

Yesuw a gwaɗar aaka asa: «Iye na mala məmbàlà à mburma i məməta ya ya, dite iye asa na mala məvəla a tar mesife ya. Wur ana à gis a iye nda gəzləŋ a ka, ku mege aka mət tekeɗe, a mbiliŋa, a ndze a aà biybiy. Wele ana aka gis iye, aka ŋgat mesife gà ata ya ka, mesife ŋgar à mìt a tsa, a ndze a aà biybiy. Wànà kàa gəs taŋa ya?»

Yesuw a gwaɗar aaka: «Yàa gwaɗak ka, na kàa gəs iye nda gəzləŋ ka, ki ta ŋget a ndzəɗa Mbulum ana, Yàa tsikik tsiye?»

I təv ana ti de a ya ka, a dza ba aà tuwa kwàyìya hinne.

Yesuw a tsaraka kataya ka, a gwaɗa a tar: «Dukw məməta ŋgar ata ka, à mìt a dər a biye tsa. A ger a ka, aà meɗìfè à ndzəɗa Mbulum a mburma, dite tə sər mezlibe ana tì zlibe a à iye Kəla ŋgar a mbaŋa.»

A tsik aba bazlam ata ya lele ka, a fàfəl nda ndzəɗa ŋgəlakəkka. A gwaɗa a Lazar: «Dara i biye ya, Lazar.» Tsam ka, pakw məməta aaha a dara i dive ya kaɗəŋ, gà sik ŋgar nda are ŋgar fit mendìwìɗè ŋa nda petek. Are ŋgar tekeɗe, simbèkw makùmbuhwa ŋa. Yesuw a gwaɗa a tar: «Pə̀lum à ŋgat, ka məsakum dər, ma da ba.»

Ama Yesuw ka, gəzləŋ a riŋ ihər a wir ahər a turturtur hinne asa. I dəba ŋa ya ka, a ndze aka dive kuɗa. Dive ata ka, melè ŋa i təv ana gìrdzìdzìhhe ya. Tə tàpàsl ahəraha beliŋ. Ta hə̀ndə̀k dər ahəraha.

Yesuw a tsik a tar bazlam ata ka, a gwaɗa a tar asa: «Masla kwa Lazar ka, a riŋ ika mendze are. Ama ka, i ta piɗeke a dər.»