Popular Bible Verses from लूका 19

షేర్ చేయి

हेङालोने दाम्‍पा मु़चु़मिमलाई माल्‍मु नुङ सेल्‍मु लागि मिनीचो़ योक्‍ताम सो़।”

“मिप्रङमाकु नङडा योक्‍पा हप आलाकाम सो़। माम्‍चु़नी नुङ मु़चु़कु न-गो भ्रसिनु़ मा पाह्रीला माम्‍चु़नीकु यु़म-झ्‍वानु़।”

मेकोतिमा येशूका मेरामलाई र्‍वाम्‍डी, “आनेप गाना नुङ इ नेमडाम खोत्‍लेङा सेल्‍सिट्‌निम बु, हेङालोने गाना वो अब्राहामकु चो़ ङा सो़।

येशू मेसिन्‍डा रोम्‍फाम्‍डी, मा गुमीका जखायसथो़ रेप्‍मिडिमा र्‍वाम्‍डी, “ए जखायस, दाला लुकामा योका, हेङालोने आनेप गो इमा नेमडा बुमु बासिक्‍पा बु।” गु लुक्‍तामा योक्‍ल्‍याड्‌डा। मेकोतिमा छो़म गेर्सिद्‌वाक्‍तो गुमीलाई उमा नेमडा येड्‌डु़।

मेकोतिमा जखायस येस्‍तामा ङाचो़ येशूलाई र्‍वाक्‍ता, “रेप्‍नी, ङाचो़, गो आमा को फ्‍वा खाप्‍ची उनी हाम वो मेबाट्‌पा मु़चु़मिमलाई ग्‍वाक्‍पुमी, मा कोङनिम मु़चु़लामका कर फमु थारीका लु-फेले बेसाका रउतोम बु माला गो मेरामकाम ब्‍ल गुणा ख्‍लोक्‍साक्‍पु।”

मेकोतिमा सेर्पा मु़चु़मिमगोलामका कोङ-कोङ फरिसीमिमका येशूनुङ र्‍वाम्‍डी, “ए ङाचो़, इनी सीसिपामिमलाई आरे मेर्‍वाक्‍नी बेनिमा भुर्निमी।” लावो येशूका मेर्मिमलाई र्‍वाम्‍डी, “गो गानीलाई र्‍वाङु, ओर्मिम वाय-वाय बाम्‍डी माला ने लुङमिम वो येमिमा माम्‍चु़नीकु नङ कोमी।”