Popular Bible Verses from Lucas 23

షేర్ చేయి

Ado Jechu judi, toro cji̧däa̧ oa cjiamȩrȩ yo̧rëremȩde: —Aja̧ Ama̧i̧, duridëparȩmi̧ dari̧ japajȩrȩ judiro̧ pio coaiäpȩmo̧ chjai̧dëri̧ japea̧ pio ju̧i̧. Jabechji̧ judiro̧ pio coa chjiari tjamo̧ri̧ dabadë oaiä, 'pio judi tjamo̧dida' quëna̧ dabadë oaiä, jabechji̧ duridëparȩmi̧ dari̧ japajȩrȩ —yo̧a̧de. Ja̧dëa ji̧ guadia pio judiro̧ quȩ chiamȩ ta̧dë oa mitë oaiä chjaocjiaji̧ri̧pea̧dirȩ Jechu pio ju̧i̧ ja̧ chjiboremȩ oa chjarepë mitëpea̧ oa.

Ado Jechu judi dëbë yo̧a̧dejȩ: —Danȩ, tjamo̧i̧ cjiari̧ yo̧requedemȩ. Pio yaba̧ domȩ oa pio coadi ëba cjiaparenȩque chjadë tjamo̧räpȩ ju̧ri̧ —dëbë yo̧rëremȩdejȩ.

Ado jibëa̧ jadü oa ja̧di ta̧rëri̧ yo̧remȩrȩ ano̧ mire yo̧rëremȩdejȩ Jechu pio ju̧i̧: —Jechu, chjadëri̧ jo̧rȩtacoe mȩnȩ dai chiri oa Ütëmȩrȩ ma̧na̧rä —yo̧a̧dejȩ.

Ado ja̧dëa ji̧ Jechu judi to̧bari̧ ëna̧diämȩrȩ yo̧rëremȩdejȩ: —Ama̧i̧, ca̧ tjo oa mitëvä. Ado Jechu judi ja̧di ta̧rëri̧ yo̧ ëte, chjaodëri̧ ja̧borëremȩde, jȩoadëpe jämȩrȩ.

Ado ja̧dëa ji̧ judiro̧ go̧düdäräa̧ ji̧, Tjübë Ju quȩmȩ ya̧mi̧räpȩ go̧düdäräa̧ ji̧, Jechu pio ju̧i̧ toro cji̧därëreji̧ri̧diro̧jo̧ȩ. Ado yo̧a̧ri̧ oa chjai̧dë oa japaji̧ri̧ pio ji̧ri̧bo toro cji̧däa̧diro̧jȩrȩ. Cja̧rȩmȩ oa cji̧däa̧diro̧jo̧ȩ Jechu ja̧ yuroro, yaboräpȩmo̧ cjiari̧. Ado cja̧rȩmo̧ oa chjiaräpȩmo̧ cjiari̧ cji̧däa̧diro̧jo̧ȩ. Pio ji̧ri̧ ja̧ tjoro cji̧därëreji̧ri̧diro̧jo̧ȩ Jechu pio ju̧i̧.

Ado dorë tjomo̧pe järëremȩdejȩ. Ado chjadëri̧ da mirerea̧mi̧ darërea̧ ji̧ chjaodëri̧ bagönȩ mape bagarëremȩde chiri nö̧tai̧ oa. Aja̧, bagönȩ mape bagarëremȩde do üdë chjiaräpȩmo̧diäa̧rä yuro, a la 3pea̧rä yuro. Jabechji̧ do üdë chjadëri̧ tatarërea̧ ji̧, chjaodëri̧ tatadëpea̧de. Ado ja̧dëa ji̧ chjaodëri̧ mu̧i̧ quira̧ oa cjiarëremȩde tuti märärea̧ üdë Ütë tjamo̧ ja̧ bëräpȩ ju̧ri̧. Tjamo̧ davä. Ütë tjamo̧ ja̧ bëräpȩ ju̧ri̧, a̧dë chjäte china̧chja jo̧ tjo oa tuti märärea̧ chjibo coto pio judi, jabechji̧ chjaodëri̧ mu̧i̧ quira̧ oa cjiarëremȩde Ütë tjamo̧ pio judi tänȩa̧ oa. Aja̧, pio judi tänȩa̧ oa jibëa̧ ma̧na̧ri̧ mu̧i̧ quira̧ oa cjiarëremȩde uëri pio judiri ëteräpȩmo̧ yo̧a̧ri̧ pënȩpe järi̧.

Ado domano̧ guadia ütë pio judi daea̧ ji̧, pumȩ ji̧ri̧ tjamo̧ ja̧bo tänȩmȩ pio judi daea̧ ji̧, Jechu pio ju̧i̧ chjiari chjö̧na̧i̧ oa daea̧ ji̧, jabechji̧ chjacjiamȩri̧ jo̧rȩtamȩpea̧dejȩ Ütë tjamo̧ ju̧i̧. Ado ana̧ri̧ jo̧rȩtamȩrȩ ja̧di ta̧rëri̧ yo̧a̧de: —Tjamo̧ri̧ dabarequede pio yoa üi̧ pio ju̧i̧ chjiari —yo̧a̧de—. 'Jabechji̧ judi chjai̧dë oa tjamo̧ri̧ japadëa̧dida, jabechji̧ coëma̧ cjiari̧ cjo̧ro̧rëremȩdida' quëna̧ dabarequede —yo̧a̧de.