Popular Bible Verses from Génesis 6

షేర్ చేయి

Jeobaa a bufi wajäblaliyoma. “¿Wedi tabä yanowamö ya bä fa tablalönö, bei ya bä bälöa nö blemabou da culawä?”, a bufi jalujuwä cudaliyoma.

Jeobaa a mamo fa showaicunö, jödödöwä tä jamö, yanowamö täbä dobloimi daa fe balojolalema. Wa̦lidiwä tä ja, showadi täbä bufi mö shino blucaoma. Bä nofi lä jushuaö wei tä fa dalalönö

Ö̦jö ma cui, Noewä a nofi shino ojodabou fe yadioma.

Noewänö cama ebä ca̦i lä cuaano wei, ei tä a̦ li oni. Bei ijilubö 3 ebä cuoma, Semö, Camö, Jafede bä a̦fa lä cuono wei. Ai bä nofi bluca ma jushuano wei ma cui, Noewä a dodijaö ayaoma. Yai Bada nija a bufi cadidioma. Ö̦jö sho cäcöbö nofi shino tamayoma.

Abinaja a cuma. —Yanowamö ya bä lä tablaleno wei, ya bä bita jamö lä bälömabole, ya bä nia mladamaö. Yanowamö täbä ma cui, yalo bä bluca lä juu wei bä ma cui, wajaquemi bä wai lä joleaö wei bä ma cui, bä lä yäö wei bä ma cui, ya bä nia jödödöwä mladamaö. Ya bä ma tablaleno wei ma cui, bä dobloimi ja, ya bufi shomiblaliyoma —a cuma.

Ulifi jödödöwä a jamö, yanowamö täbä jaba balablou lä blaucono wei däjä, bä tääbö ca̦i balao mö fa feduolalunö, yai täbä bälöo mö lä feduono wei täbänö, bä moco liyäjäwä dalalemaje. Bä fa yaialalöjenö, bä dolalemaje. Ö̦jö däjä, Jeobaa a wa̦ falayoma. —Täbä yanowamö demiobä, ya bufi lä lucälayono wei ya bufi nia didio shi wa̦liomi. Täbä dobloimi malä waiquii. Täbä cudiobä täbämi. Ya bä demi nia lä tabou wei, lasha 120 ya famaö fa bädaonö, ya bufi nia co̦amamou co̦o —a cuma. Ö̦jö lä däjä, yaläjäwä täbä ca̦i bälöo mö feduoma. Yanowamö täbä tääbö nija, yai täbänö bä ijilu lä taaqueno wejei bä lä cui, bä yaläjäwä nö quilijio fe balojooma. Jaba däjä, täbä a̦fa nö badabö waiteli lä ji̦limono wei, ö̦jö bei bä cuoma.

Inaja showawä Noewä a cuaama. Yai Bada tänö a nosiemaö lä cuaano weinaja, a nosie juaö cadidio showaoma.

Ö̦jö däjä, Noewä a yömölaö showadaoma. —Bei. Jödödöwä bä lä bälöblai, ya bä nia waicaö. Bä nofi shino waitelimou jushuaö yalo, tä ulifi wa̦lidiblamaö jödödöblou a lä culajei. Ya bä mö nia watäblaö nö mlao.

Defi lä shuu wei defibä ja, afä canawäfä bada a bada da tablalö —a cuma—. Yano fe döbädäwä a befi ca̦i cuobä. Ö̦jö wa fa tablalönö, fii fibä shuunö, u̦eshi jamö ma cui, sibosi jamö ma cui, a ya̦lea da jödödöblalö, mau ubä faö mlaobä.

Yanowamö täbä lä bälöblai, Yai Bada tänö täbä möö fa cuaanö, bejedi tä ulifi bluca wa̦lidio fe balojooma. Jödödöwä täbä lä bälöjono wei, bä shino yaclädii bufi lä doblao wei tä ja, bä bufi yai wa̦lidiblamolayoma. Bä bufi fa wa̦lidiblamolunö, bä bufi bluca wa̦lidia jödödöblaliyoma.

Yalo bluca bä lä cublai, canawä a jamö bolacabö bä cudawä, wa bä ca̦i nia lucälayou. Cafä nija bä demi cuobä, wa̦lo a, suwä a bä cudawä, wa bä ca̦i lucäbä.