LUKA 5 నుండి ప్రసిద్ధ బైబిల్ శ్లోకాలు

షేర్ చేయి

Ak ye kingo kagoges ng’alalennyi, kolenji Simon, Ta ikweri moinget kwo ole chang’ beek, ak ochoorte regereiywekwok oramisie.

Ak kiwol Simon kole, Kiptaiyandani, kogiboisie kemout komugul, ama kinyoru kiy: ago achoortoi regereiywot amu ng’olyondeng’ung’. Ak ye kingo kagoyai ko u noto, konam njirenik ng’isiat; kot kotoi kong’etyo regereiywekwak

Ago kiitabangei inegei kwo surkwen kosa.

Kima anyo aguur che bo iman, ago kiptengeginik, si kosik.

Ago ye kingogeer Simon Petero, kobutyi kotung’oikab Jesu, ak kole, Istoenage, amu a chi ne bo tengek, ee Kiptaiyandani.

Ak kiwolji Jesu kolenji, Mamage kiy chepkerichot bik che chamegei; kobate che miandos.

Ak ye kingo kagoget moingonikwak kobwa ngegut, kobagakta tugul, ak kosub inendet.

Ak kingota komitei nganaset age, ogeero, chito ne ki nyiitat mogondosik: ak ye kingogeer inendet Jesu, kobut kosieb mo, ak kosaisai kole, Kiptaiyandani, ngicham, imuchi itilila. Ak kiiyogoito Jesu anyun eunnyi, ak kotwa ak kole, Kaacham; tililitu. Ak ngunoto kobagakta mogondosik inendet.

Ak kitesak mising’ koiyesta logoiywekyik: ak kiiyumgei tuiyosiek che chang’ kobwa si kogas ng’alekyik ak kisoob eng’ mianwekwak.