Luka 12 నుండి ప్రసిద్ధ బైబిల్ శ్లోకాలు

షేర్ చేయి

Enu nenu, khalani na mu dongide, kholu Mwamana wa Muthu a na vboha gikhati mu na gumba gi pimisa.”

Guphela, dwanelani Mufumo wa Nungungulu satshavbo simbe mu na ningwani kha nga libhaso.”

A di simama gu ganela, khuye: “Mu ngu pwani, dzi woneleni ni wudogodogo watshavbo, kholu guvbanya nya muthu kha gu valedwi khu thomba yaye, ambari na yi tade nya guwani.”

kholu avbo yi na bani yiromo thomba yanu, khavbo yi na manegago myonyo yanu.

Khu mani, vbakari gwanu, a dzi kodzago gu laphisa matshigu nya guvbanye gwaye khu kotani nya gu dzi garadze gwaye?

Khavbo avbo, Jesu a di embela vapizane vaye, khuye: “Khidzo kharato nyi mi embelago, kheni: Mu nga garadzegi khu guvbanya gwanu, na mu pimisa, khenu: Ginani hi na hodzago? Mwendro sanu khu givili gyanu, na mu pimisa, khenu: Ginani hi na gu ambalago?

Ambari khu ndzudzu wanu watshavbo wu sayedwe. Mu nga thavi; enu mu na ni giphaso ngudzu guvbindra sinyoni nya singi.

Jesu a di engedza, khuye: “Mu nga thavi, tshambi dugwana, kholu Babe wanu dzinide gu mi ninga mufumo waye.

Nga wonani vamahigonganye. Kha va yali, kha va vbweri, va mwalo githunga, mwendro saye gisangala, ambari ulo, Nungungulu a ngu va hodzisa. Ina uye Nungungulu a na divaledwa khu enu mu gu ni giphaso guvbindra sinyoni, gani?

Mu nga garadzegi khu gilo mu na hodzago nigyo mu na selago; mu nga vbwetini gu siti soso.

Ambari nya gukhenu mwasi, nya gu muhuno womo thembweni, mindru wu gu rinywa niloni, wu ambagiswago kharati khu Nungungulu, guwani enu, vathu nya gukhodwe vbadugwanana?

Gi mwalo gi nga sihwa gi na gumba tugudwa; kha nga gambe, mwalo sihalo wu na gumba tidwa.