Apastil Balna Warknina 2 నుండి ప్రసిద్ధ బైబిల్ శ్లోకాలు

షేర్ చేయి

Pita nangnitnalana: —Papang yakat nawatta aiwanauh, dawak Jisas Krais ayangni kau was kalutuhta alahwanauh kaput laih Papang dutmana kidika dawak diswarang, dawak bik kaput laih Spirit Holi kidika manawarang.

Witingna bitik laih apostel balna sumamalwa yakat dakakana, dawak witing ais duduwa kidika yuwi kakasna, minitna yuyulwadai, dawak kalududuhwadai plawar busna kidika bahnin.

Dawak witingna bitik Spirit Holi dibuhngdana dai, dawak muih ūk tuni karak yuyulna, amput Spirit yaklauwi diawa kaput yuyulna.

Sirihni kaupak, makau kisang kidika yakaupak, yulni parasni yulwi kaina, witingna bangkidika ūni yakat laihwak parasni yulna. Dawak witingna bangkidika minitna yakat kuhpau kapat dahlna, dawak sahwi kalahwi witingna minitna kat kat uiwi wawatna. Dawak witingna bitik Spirit Holi dibuhngdana dai, dawak muih ūk tuni karak yuyulna, amput Spirit yaklauwi diawa kaput yuyulna.

Dawak ma bitik witingna kalududuhwadai makatyulnin ūni yakat, dawak ūnina yakat laih plawar busna kidika bahwi yuwi asla kakasna, kulninna yamni dawak buknin kidika karak. Papang ayangni nuhni yayamwadai, dawak biri biri dalani kaldakakawadai; dawak ma balna bitik yakat Dawan yaklau laihwi yakwa balna kidika diduwi kiwi banawadai suts yakat.

‘Papang yulwi, mani balna witni yakat, yang Spiritki kidika muih bitik minitna yakat utuhki; manna walamabis ahal dawak yayal balna bik yang yulki yuyulwarang, wawahma balna kidika amana kapat sahmuhni tatalwarang, dawak muihbararak balna laih amana tatalwarang.

Rahm kukulna balna dai kidika laih kulninna aslah kuluduhdai, witingna di duduwa kidika biri biri kalyuyuwādai; witingna saunina balna dawak ais duduwa balna kidika bik wauhwi bakakanwa dai, dawak lalah kidika sahyakwi duduwa dai, muihnina kat kat di ais dukih diawa kidika kaput.

Kauna muih bitik Dawan ayangni yuyulwarang balna kidika laihwi yaknin kidika kukuihwarang.’

Ma kidika puksani kalwarang, waiku kidika bik ā kapat kalahwarang, baisa Dawan mani kidika kaiwas tanit yakat, ma nuhni dawak alasna yaksihni kidika.