Matie 2 నుండి ప్రసిద్ధ బైబిల్ శ్లోకాలు

షేర్ చేయి

La ala nɔ ali ya da ni ko. Ala ĩ hũ nyingambi na ta lo Maria ko, ala kuku na li kuni la, avɔrɔ nyingambi ni. Ala zizi nyɔ kumba tɛ la, ahɛ̃ lo tisa. Tisa ni adu ndo wɔrɔ, na yɔmbɔ mɛ andozɔ zɔngɔ, nga na mbanga yɔmbɔ mɛ ili ni la mirɛ.

Adú ndo Yezo ka kɔdɔrɔ ti Bɛtlɛmɛ ka sese ti Yudea, na ngoi mɛ ndo Erodɛ gbia. Ngoi mɛ Maria ĩ dú Yezo wɛ ko, awa kɔdɛ mɛ ndoba nda lo tɛ atongolo alo ka tɔ, aga asi ka Yeruzalɛmɛ. Ala hũnda azi ya: “Nyingambi mɛ adú lo fanani, ko lo la na dungɔ gbia tɛ Ayuda ko, lo so wa? E hũ tongolo tɛ lo asi ka tɔ, la e ga so vɔrɔngɔ lo.”

Ala ĩ hũ so ko, bɛ la ade zɔgɔrɔ.

So pɛni, ala hũ suma, ko Nzapa atisa la na ya suma ni ya, ta ala diri anɔ ka tɛ Erodɛ ma. La ala mu lege mɛ ndɛ̃, adiri agwe ka kɔdɔrɔ tɛ la. Awa kɔdɛ ĩ gwe wɛ ko, Yozɛfu ahũ suma, ko na ya suma ni ko, angelo tɛ Gbia asi gbɛlɛ lo, apa hɛ̃ lo ya: “Erodɛ na hɛ̃ngɔ nyɔ ya, agi nyi mɔ, agbɔ̃ lo aho lo. Wa lo vu, mɔ mu lo na ta lo, mɔ kpɛ na la, ĩ gwe ka sese ti Egipito. Ko mɔ ngbã na la kai, nga ka mbi pa hɛ̃ mɔ ya, mɔ diri wadila.”