Luka 6 నుండి ప్రసిద్ధ బైబిల్ శ్లోకాలు

షేర్ చేయి

Ahenu akwenu, Zambi neye makanwaha: njongo yibema, yakukona, yakunyikumuna hamwe, yakusupwoke mu yikashi yenu. Mumu ni cheseko chize nwakwesekela nacho, che Zambi neye makanwesekela.”

Mutu mubema kakutuhwisa yuma yibema mu mbunge yenyi yibema. Mutu mubi kakutuhwisa yuma yibi mu mbunge yenyi yibi. Mumu kanwa lia mutu mulihanjika yize yinalumbama mu mbunge.”

Shinoho zangenu akwa kole jenu, alingilenu yibema, asondamisenu, hi kusa ko mbunge ha kunuhilwishila yo. Munukatambula chawana chinene. Munukabwa ana ja Zambi ya Mwilu Mwahiana, mumu kakulweza akwa kaleleso ni yingulungulu utu.

Bwenu akwa keke ngwe chize abwa Tatenu.”

“Kanda nubatwila akwenu, Zambi neye kechi kanubatwila. Kanda nuhisa akwenu, Zambi neye kechi kanuhisa. Konekenenu akwenu, Zambi neye makanukonekena.

“Alioze yenu nwakungwivwa, ngunanwambe ngwami: zangenu akwa kole jenu, lingilenu yibema waze akunuvutwokela, wahisenu waze akunushinga, lembelenu waze akunuhungumiona.

Lingilenu akwo chize nunazange ayo anulingile.

Nyi umwe makulamba ha tafu, mutewulwile nawa likwo. Nyi umwe makwanda mbinja ye (kazaku ke) mwechele nawa chikuto che. Hanenu kuli waze maanwita chimwe Chuma. Nyi umwe wakwanda Chuma che, kanda umuhula cho nawa.

“Mutondo Ubema kuushi kwima mihuko yibi, ni mutondo ubi kuushi kwima mihuko yibema.

Mutondo weswe kanaunyingika ku mihuko yawo. Atu keeshi kuhela makuyu ku yibuta ya mingonga, keeshi kuhela uvwa ku mikalale.