Popular Bible Verses from Ubwandilo 8

షేర్ చేయి

Lelo bo UNTWA alupilịke ulūma ulunyāfụ, alinkujoba mụ ndụmbụla jāke mwene alinkuti: Ndịsakukigụnamo kangi ikị̄su panōngwa ja mụ̄ndu, mmēnye ukuti inyịnogono sya mụ̄ndu mbị̄bị ukufụma mụ mbutụbwa bwake. Kangi ndịsakwandisya ukufịpyụta ifya būmị fyosa bo apa mbōmbịle lilino. Bo ikị̄su kikāli kilịko, utubalilo twa kubyalila nu twa ntondolo, utubalilo twa mbepo nutwa mafuku, utubalilo twa kisịku nu twa lumụ, utwa pamụ̄si nu twa pakilo to tukujangako bwịla.

Umwene Nwaka alinkunnjēngela UNTWA ikigemo kya kwịkemēkesyapo, alinkwegapo fịmo nifịnyamāna ifị bịkulya, ni njunị sịmo isị bịkulya; fyo alinkuntwalila UNTWA ukuja ịkemo ilyokye pa kigemo kila kila.

Lolị Kyala alinkunkumbuka Nwaka pamopēne nifịnyamāna fya nndị̄su, ni ng'ōmbe pakị̄su, po papo amīsi galinkukuluka panāndi panāndi.

Ījēne īngūnde jilinkwakugomoka namajolo, alinkwaga ulu po jị̄sịle ni lyanị lya nsyunguti kukanwa, po Nwaka alinkusyaganịa ukuti amīsi gakulwịke pakị̄su.