JUAN 15 నుండి ప్రసిద్ధ బైబిల్ శ్లోకాలు

షేర్ చేయి

Noqam ká ubas yura, i qamkunanam rámakuna; noqachow keykarqa, i noqa peychow, keymi atskata wayíkun; noqapita rakikashqa karqa manam ni ima rureyta pwediyankitsu.

“Noqachow kayey, i noqana qamkunachow. Imanowmi ráma wayinin apeyta pwedintsu kikinllapita, ubaschow mana keykarqa, tseynowmi qamkunapis, noqachow, mana keykarqa.

“Noqachow tsarakuyarnikeqa, i palabrákuna qamkunachow keykaptenqa, mañakuyey llapan munayashqeykita, i ruramushqam kanqa.

“Manam qamkunatsu akrayamarqonki noqata, sinowqa noqam qamkunata akrayarqoq, i churayarqoq wayíta apar eywayaneykipaq, i wayínikikuna tsarakunampaq, Teytata, jutíchow llapan mañakuyashqeyki, pey qoyáshuneykipaq.

Manam pipapis kantsu keypita mas jatun kuyakiynin, amígunkunapaq, kaweyninta juk chureykunampaq.

Llapan rama noqachow mana wayoqtaqa, llúmarenqam; i llapan wayoqtaqa limpyanqam, mas wayínin kanampaq.

Keymi mandamyentú: Kuyanakuyey juknikikuna juknikikunawan noqa kuyayanqaqnow.

Keychowmi Teyta glorifikashqa, atska wayíta apayaptiki, i tseynow disípulúkuna kayaneykipaq.

“Noqam rasonpa kaq ubas yura ká, Teytánam uryaq.

Noqachow mana tsarakoqqa, rámanowmi jaqman jitarishqa kanqa, i tsakirenqa; i eyllurirnam ninaman jitayanqa, i rawranqa.

“Keykunatam parlapáyarqoq, kushikiynikikuna qamkunachow kanampaq, i kushikiynikikuna tinkurishqa kanampaq.

Mandamyentúkunatatsun wardayanki, kuyakiynichow tsarakuyanki; noqa Teytápa mandamyentunkunata wardanqánow, i kuyakiyninchow tsarakú.

Keytam mandayaq: Kuyanakuyey juknikikuna juknikikunawan.

Mundupatsun kayankiman, munduqa kuyanmanmi kikinpataqa; mundupa manakayaptiki, noqam akrayarqoq mundupita, tseymi mundu chikiyashunki.