Luke 17 నుండి ప్రసిద్ధ బైబిల్ శ్లోకాలు

షేర్ చేయి

Ethone ȣahaȣenhase; testann, nok sasatenti; neh sesatsiente tsi tisetakon.

Tokat tsiatak niioriȣake seȣennisera aianikonraksate, nok ok oni khe niioriȣake tahontare nok aiarori ahenron: skatateriȣastani, sasanikonrhen.

Nok saiatat, akȣa neok ȣahattoke sahaieȣentane, sahakete tehononȣeronnionne ne Niio tsinihaȣenna raȣennotatie; Nok rasitakta ne Iesos sahatiskȣentaron tehononȣeratons. Samaritan tohiken nakaiatoten.

Seȣatatenikonrarak kati: tokat tetsiatennontere enhianikonraksate, hestsiatteten; tokat enshatatreȣate, sasanikonrhen ki oni nise.

Ethone ne Iesos tahatati, ȣahenron: Iah kenh toshotiieȣentaon noieri nihati, kah kati niiehonenon ne tioton sekon nihati?

Nok ne Roianer tahenron: arahona tsini kanenha notsinekȣar nikatsinetaroten niȣa aeseȣaientake ne teȣetakȣen: Iah othenon tehken aeseȣenhase kehiken kerhite: ȣatenaharostsi nok kaniatarake iekaniotann; nok enseȣaȣennarakȣe.

Onka enhaskennha tsi ronnhe, enhotonse; nok nʼenhateȣentete hensronnhete.

ETHONE ne Iesos ȣasakaȣenhase ne raotiokȣa: iatekakonte nehne tsi tenhiontateriȣaientaten; nok rotentasere onka enshakoriȣaientaten. Senha ioianere tsi katheta ȣatenenhiarakȣa ahonȣanenhianiionthase nok kaniatarhen iahonȣaiatonti, tsiniiot nasakoriȣaientaten enskat nʼeksaokonha.

Tsiki niiaȣenhon Noë sihotenniseratenion; eh kati oni nehne nenhiaȣenne nonkȣe Roienha enhotenniserateke. Teiakostskaonkȣe oni ienekirhakȣe, iakohniakskȣe oni teiontateniaktennihakȣe tsiniiore iahataȣeiate ne Noë rahohonȣakon; nok tonhnohton akȣekon oni ȣahakorio.