Popular Bible Verses from Noo Ean 5

షేర్ చేయి

Dy firrinagh firrinagh ta mee gra riu, Eshyn ta clashtyn my ghoo’s, as credjal aynsyn t’er my choyrt, ta’n vea ta dy bragh farraghtyn echey, as cha jig eh gys coayl-anmey: agh t’eh er gholl veih baase gys bea.

Tra honnick Yeesey eh ny lhie, as fys echey dy row eh er ve myr shen ry-foddey dy hraa, dooyrt eh rish, Nailt ve er dty laanaghey?

Ronsee-jee ny scriptyryn, son ayndoosyn ta shiu smooinaghtyn dy vel y vea veayn eu, as she ad shen ta gymmyrkey feanish jeem’s. As cha vel shiu booiagh cheet hym’s, dy vod yn vea y ve eu.

Dooyrt Yeesey rish, Trog ort, gow seose dty lhiabbee as jean shooyl. As er-y-chooyl va’n dooinney er ny lheihys, as ghow eh seose e lhiabbee, as huill eh: as er y laa shen va’n doonaght.

Eisht dreggyr Yeesey, as dooyrt eh roo, Dy firrinagh firrinagh ta mee gra riu, Cha vod y Mac nhee erbee y yannoo jeh hene, agh ny t’eh fakin yn Ayr dy yannoo: son cre-erbee t’eshyn dy yannoo, ta’n Mac jannoo myrgeddin.