San Mateo 27 నుండి ప్రసిద్ధ బైబిల్ శ్లోకాలు

షేర్ చేయి

Te̱ kuyatinꞌ ka̱a̱ uni̱ ja̱a̱nꞌ ni̱ kaꞌa̱n tiꞌeꞌ Jesús ndii: ―Elí, Elí, ¿lama sabactani? ―ni̱ kachi̱ a̱. Ña̱ ja̱a̱nꞌ kuni kachi̱ a̱ ndii: Ndiosí mi̱iꞌ i̱, Ndiosí mi̱iꞌ i̱, ¿ndichun na ni̱ na̱ko̱o̱ u̱nꞌ yuꞌu̱?

Sa̱kanꞌ te̱, toto̱ ña̱ taꞌnuꞌ i̱ꞌnu̱ ti̱xi̱n yu̱kunꞌ kaꞌnuꞌ ndii, ni̱ ndata̱ꞌ a̱. Ni̱ xa̱ꞌaꞌ a̱ nde̱e̱ ndi̱e̱nu̱, te̱ ni̱ ki̱e̱e̱ nuu̱ a̱ ninu̱. Te̱ ni̱ ta̱a̱n i̱i̱n yivi̱ꞌ, te̱ ni̱ ndata̱ꞌ tu̱ ka̱va̱ꞌ. Te̱ ni̱ nuni̱a̱ꞌ tu̱ yavi̱ ndi̱i̱, te̱ kuaꞌa̱ꞌ va̱ ñu̱ꞌuꞌ ndeꞌi̱, ne̱ nduuꞌ kuenta Ndiosí, ne̱ ni̱ xiꞌi̱ ndii, ni̱ na̱ti̱a̱ku̱ ni̱a̱.

Te̱ Jesús ndii, tu̱ku̱ ni̱ ni̱ ndeꞌi̱ tiꞌeꞌ a̱, te̱ ni̱ ke̱ta̱ nimá a̱.

Te̱ kii̱ꞌ ni̱ xi̱ni̱ te̱ xíinꞌ kuuꞌ nu̱uꞌ xiinꞌ te̱ itaꞌ xiinꞌ ra̱ xitoꞌ ra̱ Jesús ña̱ ni̱ ta̱a̱nꞌ xiinꞌ sa̱kuuꞌ ña̱ ni̱ xkaꞌndi̱a̱ i̱kanꞌ ndii, ni̱ yi̱ꞌvi xa̱va̱ꞌa̱ ra̱ kaꞌán ra̱ ndii: ―Ndi̱xa̱ xna̱ꞌa̱ nduuꞌ a̱ ndii, siꞌe̱ Ndiosí ni̱ nduu̱ꞌ te̱ kaa̱ꞌ ―ni̱ kachi̱ ra̱.

Te̱ kii̱ꞌ ni̱ xa̱a̱ i̱i̱n keꞌinꞌ ndii, ni̱ ku̱u̱ i̱i̱n yaví ka̱niiꞌ i̱i̱n yivi̱ꞌ nde̱e̱ ni̱ xaꞌa̱nꞌ ndi̱koꞌ a̱ ka̱a̱ uni̱ xa̱kuaa̱ꞌ.

Te̱ ni̱ kaꞌa̱n Pilato xiinꞌ ni̱a̱ ndii: ―¿Te̱ ndee ña̱ kuní ndo̱ꞌ sa̱a̱ i̱ xiinꞌ Jesús, te̱ kaꞌán ndo̱ꞌ nduuꞌ Cristo? ―ni̱ kachi̱ ra̱. Te̱ i̱i̱n ni̱ nda̱ꞌaꞌ ni̱ kaꞌa̱n sa̱kuuꞌ ni̱a̱ ndii: ―Nuu̱ꞌ krusín ku̱xi̱ u̱nꞌ ra̱ ―ni̱ kachi̱ ni̱a̱. Te̱ ni̱ kaꞌa̱n ni̱ tu̱ku̱u̱ Pilato xiinꞌ ni̱a̱ ndii: ―¿Ndichun? ¿Ndee ña̱ ni̱a̱ꞌa ni̱ xa̱a̱ ra̱? ―ni̱ kachi̱ ra̱. Ndisu̱ ni̱ kua̱aꞌ tiꞌeꞌ ka̱ ne̱ ja̱a̱nꞌ kaꞌán ni̱a̱ ndii: ―Nuu̱ꞌ krusín ku̱xi̱ u̱nꞌ ra̱ ―ni̱ kachi̱ ni̱a̱.