Popular Bible Verses from Yozhanq Saw 1

షేర్ చేయి

Yiengq, hauhnaeuz miz vunz ciep de hih, couh dwg doengh boux sinq de he, doengh boux sinq de he de couh nyok gienz hawj doengh boux de, hawj gyoengqde miz gienz ndaej guh lwg Cangqdiq.

Daj gaihcij mijyaengz cauh mbwn cauh deih haem, cix miz gij vah Cangqdiq lo. Miz Cangqdiq caemh miz gij vah de; gij vah de couh dangq dwg Cangqdiq lo.

Gij rongh neix ciuq haeuj laep bae; laep mbouj ndaej giengz goq gij rongh neix.

Gij vah Cangqdiq bienqbaenz miz lwed miz noh hih vunz; de youq laeng gyoengqraeuz youq. Gyoengqraeuz yawjraen gij rongh de, gij veijdaq de; gij rongh neix couh dwg daeglwg dog Cangqdiq Bohmbwn cij ndaej he. De dwg sinq ndaej goq he, haijliengh raixcaix he, gig aiq vunz he.

Gij vah neix couh dangq dwg boux vunz he. Gwnzmbwn lajdeih sojmiz hih cungj dwg baengh boux de cauh okdaeuj he; mij saek yiengh naeuz mij dwg de cauh. Boux neix couh dwg doenj mingh; gij mingh neix couh dwg rongh, ndaej ciuq vunz he.

Gajlaeng, daengz daixngeih ngoenz, guh sijlij dih Yozhanq yawjraen Yehsuh byaij goqdaeuj, couh naeuz: “Neq, yawj hax, duz yiengzlwg Cangqdiq, couh dwg boux bang vunz rap coih hih boux mwnq

De cauh lajmbwn sojmiz hih, hoeng, de daeuj lajmbwn, lajmbwn hih vunz dauq mij rox de. De daeuj dieg bonjfaenh de, hoeng gij vunz bonjfaenh de dauq mij ciep de.

Gij rongh neix dwg saedsaeh hih, de ij ciuq baenx cenz lajmbwn sojmiz hih vunz.

Cangqdiq dunghgoq Mohsih daeuj senhbuq fazliz, hoeng aiq caeuq saedsaeh dwg Yehsuh Gihduz, Cangqdiq baij daeuj dih vuengz, nyok hawj hih.